Zbekiston respublikasi qurilish vazirligi toshkent arxitektura -qurilish instituti

2.2 Maishiy xizmat

Ma’lum bir davrlarda maishiy xizmatning tutgan o’rni va roliga unchalik yuqori baho berilmagan, qadrlanmagan. Bu esa o’z navbatida uning rivojlanishiga o’z ta’sirini ko’rsatgan, albatta.

Maishiy xizmat aholini individual (yakka tartibda) buyurtmalari bo’yicha mahsulot ishlab chiqaradigan, xizmat ko’rsatadigan, ro’zg’orda ishlatiladigan madaniy-maishiy buyumlarni ta’mirlash, ishlab chiqarish bilan shug’ullanuvchi korxonalarni o’z ichiga olgan.

Aholiga maishiy xizmat ko’rsatishni mustaqil bir tarmoqqa aylanishiga uning o’ziga xos xususiyatlari sabab bo’lgan. Bular:

• 
  ijrochi yoki maishiy xizmat ko’rsatuvchi vakilini (qabul qiluvchi, usta, agent) majburiy individual (yakka tartibdagi) buyurtma olishda shaxsiy kontakti (aloqasi);
  
• 
  tarmoqning ko’pgina bo’linmalarini mahalliy (lokal) tusga egaligi;
  
• 
  maishiy xizmatga bo’lgan talabni mavsumiyligi;
  
• 
  sanoat korxonalari va savdo korxonalarga xos bo’lgan funksiyalarni uyg’unlashgani.
  

Ko’rsatiladigan maishiy xizmatlar turlari 1000 dan oshadi va yanada ko’payib bormoqda. Statistika ma’lumotlariga qaraganda, sanoat ishlab chiqarishi turiga xos bo’lgan maishiy xizmatlar ulushi umumiy ko’rsatgichga nisbatan 4/5 oshgan, alohida mintaqalarda esa 90% ga yetgan. Bunday holat maishiy xizmat sohasini moddiy ishlab chiqarish tarmoqlari qatoriga chiqarish imkonini beradi.

Maishiy xizmat ko’rsatish korxonlari uy sharoitida tikish, kir yuvish, kiyim tozalash, maishiy asboblarni ta’mirlashdan halos etadi, insonni uyda bajaradigan ishlarini kamaytiradi.

Ijtimoiy izlanishlarni ko’rsatishicha, bo’sh vaqtning taxminan 40% i uy ishlarini bajarishga ketar ekan.