Zbekiston respublikasi qurilish vazirligi toshkent arxitektura -qurilish instituti

Kundalik hayot (turmush) va servis. Kundalik hayotda servisning ahamiyati aholini ijtimoiy ehtiyojlari tarkibidagi siljishlar bilan tushuntiriladi. Jamiyat turmush tarzini ham moddiy, ham ma’naviy tomondan o’sishi ta’lim-tarbiya, madaniyat, ilm-fan, sport, uy-joy, sog’liqni saqlash va h.k. kabi xizmatlar iste’molini tobora ko’payishiga va ba’zi bir xizmat turlariga bo’lgan talabni pasayishi yoki umuman yo’qolib ketishiga olib keldi. Jamiyat tobora taraqqiylashar ekan, uning a’zolarining ehtiyojlari ham tobora o’zgarib bormoqda.

Insonning mehnat qilish qobiliyatini qayta ishlab chiqaradigan xizmatlar bilan birga, insonni yanada takomillanishi, ijtimoiy tomondan faollashuvi, tashabbuskorligining oshishi, madaniyatining yanada yuksalishiga sabab bo’luvchi xizmatlar tobora rivojlanmoqda. Insonni kundalik hayot (turmush) servisiga bo’lgan ehtiyojini aniqlashda, respublika aholisini o’ziga xos xususiyatlariga, urf-odatlari, an’analarini hisobga olgan holda, mintaqaviy xizmat ko’rsatishga alohida e’tibor qaratish kerak.

Aholiga xizmat ko’rsatish sifati bozor prinsiplari va u bilan o’zaro munosabatlarga bog’liq. Shaharlar va qishloq joylardagi aholiga ko’rsatiladigan maishiy xizmatlar tez sur’atlarda o’smoqda. Ularga shahar, qishloq, oilaviy va yakka tartibdagi turmush tarzi elementlari xosdir. Uning tarkibiga insonning moddiy, ma’naviy, ijtimoiy, individual (vaqt sarfi va faoliyati) ehtiyojlari kiradi. Inson turmushidagi servis elementlari xarakteri turlicha.