Ўзбекистон республикаси президенти ҳузуридаги давлат бошқаруви академияси янги ўзбекистон – янгича дунёқараш

САВОЛЛАР

1. Қонун устуворлигини таъминлашнинг кафолатлари тизими нималарни ўз ичига олади?

2. Қонун устуворлигини таъминлашда давлат органлари мажбурият ва масъулияти нималардан иборат?
3. Коррупцияга қарши курашиш бўйича давлат сиёсатининг устувор йўналишлари қайсилар?
4. Коррупцияга қарши курашиш соҳасида қайси нодавлат нотижорат ташкилотлари иштирок этади?
5. Манфаатлар тўқнашувини бартараф этишда давлат органлари раҳбар ва ходимларининг ҳуқуқ ва мажбуриятлари нималардан иборат?

ГЛОССАРИЙ
Қонун устуворлиги - давлат ва жамият ҳаётида Конституция ва қонунларнинг бошқа норматив-ҳуқуқий ҳужжатлардан устун бўлиши ҳамда давлат органлари ва ташкилотлари, мансабдор шахслари ва фуқароларнинг норматив-ҳуқуқий ҳужжатларга қатъий риоя этилиши.
Қонун устуворлиги принципи – муҳим конституциявий принциплардан бири бўлиб, у биринчидан, халқ манфаатларини ифодалайдиган адолатли қонунлар ишлаб чиқаришни; иккинчидан, қонунлар сўзсиз ижро этилишини таъминлашни; учинчидан, фуқароларнинг юксак даражадаги сиёсий ва ҳуқуқий маданиятини талаб этади.
Қонунийлик – давлатнинг барча органлари, мансабдор шахслари ва фуқаролар томонидан Конституция, қонунлар ва бошқа норматив-ҳуқуқий ҳужжатларнинг аниқ ва доимий ижро этилишини англатувчи конституциявий принцип.
Ҳуқуқбузарликлар профилактикаси – ҳуқуқ-тартиботни сақлаш ҳамда мустаҳкамлаш, ҳуқуқбузарликларни аниқлаш, уларга барҳам бериш, шунингдек, ҳуқуқбузарликларнинг содир этилиши сабабларини ва уларга имкон бераётган шарт-шароитларни аниқлаш, бартараф этиш мақсадида қўлланиладиган ҳуқуқбузарликлар умумий, махсус, якка тартибдаги ва виктимологик профилактикасининг ҳуқуқий, ижтимоий, ташкилий ва бошқа чора-тадбирлари тизими.
Коррупция – шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиш.