Zbekiston respublikasi oliy va o ‗ rta maxsus ta`lim vazirligi

ERKIN VOHIDOVNING SO„Z QO„LLASH MAHORATI 

Dilfuzaxon SOTVOLDIYEVA, 

o„qituvchi (Andijon) 

 

Hozirgi  davr  o‗zbek  she`r  iyatining  yirik  namoyondasi  O‗zbekiston 

qahramoni  Erkin  Vohidov  o‗zining  butun  faoliyati  va  ijodini  xalqimiz  orzu-

o‗ylarini badiiy ifodalash ,millatimiz taqdiriga daxldor muammolarni dadil ko‗tarib 

chiqish, kishilarimiz  madaniy-estetik  saviyasini  yuksaltirishdek  ezgu  maqsadlarga 

yo‗naltirgan. 

Erkin  Vohidov:  ―Adabiy  ijod  hamisha  So‗z  olamiga  sayohatdir.  Ijodkor 

So‗zni  tirik  jon  deb  biladi  va  So‗z  bilan  so‗zlashadi.  Umrini  yashab  bo‗lgan  va 

barhayot,men  anglagan  va  anglab  yetmagan  sohir  xilqat  bilan  ko‗ngil  bog‗larida 

kezib, hayolan So‗z bilan so‗zlashsam, til bilan tillashsam, deyman. 

So‗z yaralishdan mo‗jiza. Avval so‗z bo‗lgan, muqaddas kitoblarda. Hazrat 

Navoiy aytganlar: 

So‗z kelib avvalu jahon so‗ngra 

Ne jahonki, kavn ila makon so‗ngra 

Chunki mavjud bo‗lsa nuqtai ―kun‖ 

Bo‗ldi mavjud toza, yo‗qsa kukun. 

Ya`ni  avval  So‗z  kelgan,  Ollohning  ―bo‗l‖degan  nidosi  kelgan  va  mayda 

zarrachalar  olamidan  yangi  olam  yaralgan.  Agar  shu  ilohiy  So‗z  kelmagan 

kelmaganda olam kukinligicha qolgan bo‗lardi. 

Erkin  Vohidovning  ―O‗zbegim‖  qasidasini  xalqimiz  sha‘ni  va  shavkatiga 

badiiy  so‗zdan  tiklangan  muhtasham  muhtasham  obida  deb  baholasak,  aslo 

mubolag‗a  bo‗lmaydi.  Shoir  1968-yilda  ―O‗zbegim‖  qasidasini  yozgan.  Erkin 

Vohidov  ona  xalqi  –  O‗zbegimga  qasida  bag‗ishlaydi.  Qasida  xalqimizning 

shavkatli tarixiga sayohatdan boshlanadi: 

Tarixingdir ming asrlar ichra pinhon, o‗zbegim 

Senga tengdosh Pomir-u oqsosh Tiyonshon, o‗zbegim. 

So‗ylasin Afrosiyob-u so‗ylasin O‗rxun xati, 

Ko‗hna tarix shodasida bitta marjon, o‗zbegim. 

Al-Beruniy, Al-Xorazmiy, Al-Farob avlodidan, 

Asli nasli balki O‗xluq, balki Tarxon, o‗zbegim. 

Bu  asar  yozilgan  paytlarda  xalqimiz  tarixini  to‗la  va  atroflicha  o‗rganish, 

ayniqsa,  o‗tmishda  o‗tgan  sarkardalar,  amirlar  va  xonlar  faoliyatiga  baho  berish 

nihoyatda  mushkul,  xatarli  ish  edi.  O‗z  o‗tmishini,  ota-boblari  merosini  bilish 

millatga  g‗urur  iftixor  bag‗ishlaydi,  uni  o‗zligini  tanish,  haq-huquqini  anglash 

darajasiga olib chiqadi. 

---

158 

 

Amerikani  nazariy  jihatdan  kashf  etgan  ham,  koinot  xaritasini  tuzgan  ham, 

insoniyat  she`r  iy  tafakkurini  eng  yuqori  bosqichlarga  ko‗targan  ham  bizning 

buyuk ajdodlarimiz hisoblanadi: 

Tuzdi-yu Mirzo Ulug‗bek Ko‗ragonoy jadvalin, 

Sirli osmon tog‗iga ilk qo‗ydi Narvon o‗zbegim. 

Mir Alisher na‘rasiga aks sado berdi jahon, 

She`r iyat mulkida bo‗ldi shoh-u sulton o‗zbegim. 

Rus  xalqining  Pushkindek,  inglizlarning  Bayrondek  ulug‗shoirlarini  ham 

o‗ziga muallim deb bilgan ijodkor, Navoiydek mutafakkirga meroxo‗r ekanligidan 

faxr etadi: 

Men buyuk yurt o‗g‗lonidurman, men bashar farzandiman, 

Lekin avval senga bo‗lsam sodiq o‗g‗lon, o‗zbegim. 

Menga Pushkin bir jahon-u, menga Bayron bir jahon, 

Lek Navoiydek bobm bor, ko‗ksim osmon, o‗zbegim. 

Har birmiz shu Vatanda dunyoga ko‗z ochgan ekanmiz, ona xalqimiz bizga 

berganoq  sut  va  tuzni  oqlamog‗imiz,  uning  ravnaqi  yo‗lida  butun  kuch- 

g‗ayratimizni  sarf  etmog‗imiz  lozim.  Inson  shunday  yashamog‗I  kerakki,  xalqi 

undan  iftixor  etsin,  uni  tarbiyalab  voyaga  yetkazgani  rozi  bo‗lsin.  Faqat 

shundagina  inson  hayotini,  ijodkor  umrini  mazmunli  o‗tdi,  deb  aytish  mumkin 

bo‗ladi: 

Bu qasidam senga, xalqim, oq sut-u tuz hurmati, 

Erkin o‗g‗loningman, qabul et, o‗zbegim jon o‗zbegim. 

Foydalanilgan adabiyotlar: 

1.

 

Vohidov E. So‗z latofati. – T.: O‗zbekiston, 2010. 

2.

 

Vohidov E. Asarlar. 3-jild. Kuz sahovati. – T.: Sharq, 2016. 51-b.