Zbekiston respublikasi oliy va o ‗ rta maxsus ta`lim vazirligi

hikmatli  so„zlar,  xalq  maqollari

 

hamda 

iboralar

 

talaba  yoshlar  dunyoqarashining  shakllanishida 

muhim  ahamiyat 

kasb etadi.  

Foydalanilgan adabiyotlar: 

1.Yo‗ldoshev J., Usmonov S. Pedagogik texnologiya asoslari. – T.: 2004. 

2.Tolipova J. Talabalarning mustaqil ta‘limini tashkil etish. Xalq ta‘limi. –T.: 2002. 

№ 4. - B.102-103. 

 

MAKTAB ADABIYOT KURSIDA ERKIN VOHIDOV IJODIDA 

QO„LLANGAN SHE`RIY SAN`ATLARNING O„RGANILISHIGA OID 

BA`ZI MUAMMOLAR 

Akmal ABDULLAYEV,  

O„zbek tili va adabiyoti kafedrasi o„qituvchisi (ChDPI) 

 

Kompetentsiyaviy  yondashuvga  asoslangan  DTS  talablari  asosida  adabiy 

ta`lim  dasturida  ham  o‗zgarishlar  ro‗y  berdi  va  mazkur  o‗zgarishlar  asosida 

darsliklarning  yangi  avlodlari  yaratila  boshlandi  [1-5].  Ushbu  darsliklarning 

yangilangan  DTS  hamda  bugungi  ijtimoiy  hayotning  ta`lim  oldiga  qo‗yayotgan 

talablari  asosida  yaratilayotganligi  quvonarli  hol,  albatta.  Biroq  darsliklarning 

keyingi  chiqarilgan  nashrlarida  ham  ba`zi  kamchiliklar  borligi  ko‗zga  tashlanib 

qoladi. 

Xususan, maktab adabiyot darsliklarini ko‗zdan kechirganda ba`zi sinflardagi 

dastur bilan darslik o‗rtasida nomuvofiqlik borligi, xususan, darslik  mundarijasida 

berilgan  mavzularning  darslikda  berilmagan  hollari  kuzatiladi.  Bunday 

nomuvofiqliklar ko‗proq 

nazariy ma`lumotlar

 berilishida uchraydi.  

Fikrimiz isboti uchun elimizning ardoqli shoiri, O‗zbekiston Qahramoni Erkin 

Vohidov  ijodida  qo‗llangan  she`riy  san`atlarni  o‗rganish  bo‗yicha  5-  va  6-sinf 

adabiyot dasturi va darsliklardagi mavjud muammolarni ko‗rib chiqamiz. 

Maktab adabiyot dasturida ulug‗ shoirimizning ijodini o‗rganishga jami 8 soat 

ajratilgan (5-sinfda 3 soat, 6-sinfda 3 soat va 11-sinfda 2 soat). Jumladan, 5-sinfda 

shoirning  ―Nido‖  dostonidan  berilgan  parcha  o‗rganiladi.  Dostonni  o‗rganish 

uchun  dasturda  3  soat  ajratilgan.  Ushbu  soatlarda  Erkin  Vohidov  hayoti  va  ijodi 

haqida qisqacha annotatsiya, ―Nido‖ dostonida insoniyat boshiga tushgan falokat – 

Ikkinchi  jahon  urushi  keltirgan  balolarning  murg‗ak  o‗smir  taqdirida  qoldirgan 

izning  aks  ettirilishi,  dostonda  bola  tabiatining  g‗oyat  nozik  jihatlari  haqqoniy 

tasvirlanganligi,  doston  nomining 

ramz

iyligi  kabilar  o‗rganiladi  [1-33]. 

Adabiyottanuvchilarimizga  yaxshi  ma`lumki,  she`rning  poetik  jozibasini  ochib 

beradigan,  uning  badiiy  latofatini  ko‗rsatadigan  estetik  kategoriyalardan  biri  bu  – 

she`riy  san`atlar  hisoblanadi.  Ulug‗  shoirimiz  dostonning  badiiy  g‗oyasini 

o‗qirmanga teran anglatish, uning qalbida kuchli hissiy-estetik taassurot uyg‗otish 

maqsadida  dostonda 

tashbeh,  istiora,  jonlantirish,  sifatlash  (epitet) 

kabi  ko‗plab 

she`riy  san`atlardan  mohirlik  bilan  foydalangan.  Biroq,  amaldagi  5-sinf  adabiyot 

---

238 

 

dasturida  bironta  she`riy  san`at  turi  haqida  nazariy  ma`lumot  berilmagan. 

Nazarimizda,  dasturni  tuzuvchilar  lirik  janrga  mansub  badiiy  namunalarni 

o‗rganishda  ularda  uchraydigan  yuqoridagi  kabi  she`riy  san`atlar  haqida  yo‗l-

yo‗lakay  ma`lumot  berishni  (bunday  deyishimizning  sababi  dasturda  she`riy 

san`atlar  haqida  nazariy  ma`lumot  berish  uchun  1  soat  ham  vaqt  ajratilmagan) 

adabiyot  o‗qituvchisi  zimmasiga  yuklagan  ko‗rinadilar.  Umuman,  badiiy  tasvir 

vositalari, xususan, she`riy san`atlar haqidagi nazariy ma`lumotlar maktab adabiyot 

kursining  7-sinfidan  boshlab  berilganki,  mazkur  masala  izoh  va  mulohazaga 

muhtoj. 

6-sinf  adabiyot  dasturida  sevimli  shoirimiz  Erkin  Vohidovning  ―O‗zbegim‖ 

qasidasini  o‗rganishga  3  soat  vaqt  ajratilgan.  Ushbu  soatlar  davomida  E.Vohidov 

hayoti  va  ijodi  to‗g‗risida  qisqacha  ma`lumot,  ―O‗zbegim‖  qasidasi  ko‗p  asrlik 

o‗zbek xalqi tarixining o‗ziga xos poetik ifodasi va badiiy talqini sifatida, she`rda 

o‗zbek  millatiga  mansublikdan  iftixor  tuyg‗ularining  samimiy  tasvirlanganligi, 

qasidaning  milliy  o‗zlikni  anglashdagi,  xalq  milliy  tafakkurining  shakllanishidagi 

ahamiyati  hamda  qasidada  eng  ko‗p  qo‗llanilgan  she`riy  san`at  turlaridan  biri 

talmeh

  san`ati  haqida  ma`lumot  berish  ko‗zda  tutilgan  [1,  41].  Biroq,  darslikda 

berilgan ―O‗zbegim qasidasi haqida‖ nomli mavzuda ushbu san`at turi haqida hech 

qanday  nazariy  ma`lumot  va  misollar  berilmagan.  Bejizga  dasturda  aynan 

―O‗zbegim‖  qasidasidan  keyin  talmeh  san`ati  haqida  nazariy  ma`lumot  berish 

ko‗zda  tutilmagan.  Sababi  qasidada 

Afrosiyob,  Urxun  xati,  Qaysari  Rum, 

Muqanna,  Sarbador 

kabi  ko‗plab  tarixiy  afsona  va  voqea-hodisalarga  ishoralar 

qilinganki,  bular  bevosita  ―

she`r  yoki  nasrda  mashhur  tarixiy  voqealar,  adabiy 

asarlar yoki maqollarga ishora qilmoq san`ati

‖ [3, 10] hisoblangan 

talmeh

 san`ati 

bilan  bog‗liq.  Mazkur  darslikda  Erkin  Vohidovning  hayoti  va  ijodi  haqidagi 

umrbayonida shoirning  ―

Kamtarlik  haqida

‖ nomli  she`ri berilgan.  Ushbu  she`rda 

go‗zal she`riy san`atlardan biri hisoblangan 

husni ta‟lil

 san`ati o‗ta mohirlik bilan 

ishlatilgan. Ammo ushbu  she`riy san`at turi haqida 10-sinfgacha  maktab adabiyot 

darsliklarida  ma`lumot  berilmaydi.  Shu  o‗rinda  ta`lim  tili  borasida  dasturdagi 

tafovut haqida ham biroz to‗xtalsak... 

Ta`lim rus tilida olib boriladigan umumta`lim maktablarining 5-sinf adabiyot 

darsligida  badiiy  tasvir  vositalarining  bir  nechtasi,  jumladan,  metafora  (istiora), 

epitet  (sifatlash)  va  o‗xshatish  (tashbeh)  haqida  nazariy  ma`lumotlar  berilib, 

mazkur  nazariy  ma`lumotlar  umumlashtirilgan  holda  ―Troplar‖  nomi  bilan  bayon 

etilgan  [4,  141-161]  hamda  Dasturda  ushbu  nazariy  ma`lumotlarni  o‗rganishga  2 

soat ajratilgan [5, 220]. 

Umumiy o„rta ta`lim mazmunining respublikadagi barcha 

hududlarda  birligi  va  yaxlitligi 

[1,  5]ni  nazarda  tutadigan  bo‗lsak,  o‗z-o‗zidan 

haqli savol tug‗iladi – nega ta`lim rus tilida olib boriladigan maktablarning 5-sinf 

adabiyot  darslarida  she`riy  san`atlar  (badiiy  tasvir  vositalari)  haqida  nazariy 

ma`lumotlar (hatto metafora haqida darslikda 2 o‗rinda nazariy ma`lumot berilgan) 

o‗rganiladi-yu,  ta`lim  o‗zbek  tilida  olib  boriladigan  maktablarning  5-  va  6-

sinflarida  nazariy  ma`lumotlar  berilmaydi  va  dasturda  nazariy  ma`lumotlarni 

o‗rganishga  alohida  bir  soat  ham  ajratilmaydi?!  O‗quvchilarning  yosh  va 

psixofiziologik  xususiyatlari  bir  xil  emasmi?  Vaholanki,  5-sinf  milliy  adabiyot 

---

239 

 

kursida  berilgan  lirik  janrdagi  adabiy  matnlarda  she`riy  san`atlar  ko‗plab 

qo‗llanilishi adabiyotchilarga yaxshi ma`lumku!  

Maktab  adabiy  ta`limida  berilgan  adabiy  namunalarda  qo‗llanilgan  she`riy 

san`atlardan  o‗quvchi  uchun  ta`sirlanishga  olib  keladigan  estetik  kategoriyalarni 

o‗zlashtirish,  bilish  katta  ahamiyat  kasb  etadi.  Shaxs  ma`naviyatini  shakllantirish 

vositasi  bo‗lgan  adabiy  ta`limda  hissiyotga  ta`sir  etish,  tuyg‗ular  tarbiyasi  asosiy 

masala  hisoblansa-da,  o‗quvchilarning 

nimadan?  nima  uchun?

  ta`sirlanganligini 

bilish  ham  muhim  ahamiyatga  ega.  O‗quvchi  uchun  adabiy  asardan  hissiy 

ta`sirlanishning  o‗zigina  etarli  bo‗lmay,  uning  estetik  jozibasini  ta‘minlagan, 

ta`sirlanishga  olib  kelgan  estetik  kategoriyalarni  o‗zlashtirish,  bilish  ham  katta 

o‗rin  tutadi.  Nazariy  tushunchalarni  maktabda  o‗rganish  ayni  shu  zaruriyatdan 

kelib  chiqqani  shubhasiz.  Maktab  adabiy  ta`limida  she`riy  san`atlar  haqidagi 

nazariy  tushunchalarni  o‗rganish  maqsad  emas,  badiiy  asarni  chuqur  tahlil  etish 

darajasiga erishish vositasi hisoblanadi. 

Adabiy matnlarda qo‗llanilgan she`riy san`atlarni o‗rganish bo‗yicha dasturda 

berilgan  nazariy  ma`lumotlar  o‗rganiladigan  mumtoz  badiiy  asarning  ilmiy 

kalitlaridan biri hisoblanadi. Shundan kelib chiqqan holda barcha sinflar kesimida 

o‗quvchilarga  adabiy-nazariy  tushunchalarni  o‗rgatishda  dasturga  qat‘iy  amal 

qilish  zarur.  Ayni  paytda,  vaziyat  taqozosiga  ko‗ra,  agar  dasturda  belgilangan 

nazariy  ma`lumotlar  darslikda  berilmagan  holatlar  uchrab  qolsa,  nazariy 

ma`lumotlarni  mustaqil  holda  berishni  ham  rejalashtirish  mumkin.  Buni  o‗quv 

rejasida berilgan takrorlash va umumlashtirish dars soatlari hisobidan rejalashtirish 

mumkin. 

Dastur va darsliklardagi ushbu tafovutlarni hisobga olib, 5- va 6-sinf adabiyot 

dasturiga  adabiy  matnlarda  eng  ko‗p  uchraydigan  o‗xshatish  (tashbeh),  lof 

(mubolag‗a) va qarshilantirish (tazod), talmeh va husni ta‘lil kabi she`riy san`atlar 

haqida sodda bayon usulida nazariy ma`lumotlar berilishi lozim, deb hisoblaymiz. 

Shundagina o‗quvchilar ulug‗ shoirimizning so‗z qo‗llash mahorati, badiiy g‗oyani 

go‗zal badiiy tasviriy vositalar orqali ro‗yobga chiqara olganligini teran anglaydilar 

hamda sevimli shoirimizga nisbatan hurmat va iftixor hissini tuyadilar.  

Foydalanilgan adabiyotlar ro‗yxati: 

1. Umumiy o‗rta ta`limning davlat ta`lim standarti (Vazirlar Mahkamasining  

2017-yil 6-apreldagi 187-son 

qaroriga 

1-ilova). –T., 2017. – 87 b. 

2. S.Ahmedov, B.Qosimov, R.Qo‗chqorov, Sh.Rizayev ―Adabiyot‖ umumiy 

o‗rta ta`lim maktablarining 5-sinfi uchun darslik., ―Sharq‖ NMAK, -174. 

3. A.Hojiahmedov. She`r san`atlarini bilasizmi? – T.: ―Sharq‖ NMAK, 2001. 

- 95.  

4.  Литература.  5  кл.:  Учебник  /  Н.И.Сергеева,  Г.С.Меркин.  –  Т.: 

«Sharq», 2015. - 240 ст. 

5.  Министерства  Народного  образования  республики  Узбекистан., 

Республиканский  центр  образования.  ―Государственная  стандарт  и  учебная 

программа  по  литературе  для  школ  общего  среднего  образования 

с русским языком обучения (1-9 классы)‖ Т., 2017 - 220 ст. 

 

---

240