Zbekiston respublikasi oliy va o ‗ rta maxsus ta`lim vazirligi

“RUHLAR ISYONI” DOSTONI TADQIQIGA DOIR 

Sanobar TO„LAGANOVA, 

filologiya fanlari doktori (O „zbek tili, adabiyoti va fol`klori instituti) 

 

O‗zbek badiiy tafakkuri tadrijida zabardast shoir Erkin Vohidovning alohida 

o‗rni  bor.  Shoirning  yetuk  ijodiy  durdonalari  o‗zbek  she`r  iyatining  kamolot 

cho‗qqilardan  biri  hisoblanadi.  Erkin  Vohidov  ijodi  fenomenal  hodisa  sifatida 

o‗zbek falsafiy tafakkurini yanada boyitishga, poetik idrokni ichki quvvat evaziga 

yangilashga, millat ruhiyat va qadriyatini saqlashga, so‗z nafosatini anglash yo‗lida 

xizmat qildi.  

Davr bilan birga adabiy mezonlar ham ma`lum ma`noda yangilanib, o‗zgarib 

boradi.  Ammo  haqiqiy  san`at  durdonalari  vaqt  chig‗irig  ‗idan  omon  o‗tadi.  Erkin 

Vohidovning ijodi esa bu sinov haroratiga dosh bera oladigan darajada qalb qo‗ri 

bilan pishitilgan, mantiq iplari bilan chiyrilgan. Shoir siyratida jo bo‗lgan oqil va 

donolik, so ‗z fasohati, zakiy va nuktadonlik, chuqur bilim va mantiqiy ko‗lam hali 

ko  ‗p  izlanishlarga  ehtiyoj  borligini  ko  ‗rsatadi.  Bugun  shoir  shaxsiyati,  betakror 

ijodi ijtimoiy va badiiy voqelik sifatida alohida yondashuvni talab qiladi. Yaqinda 

---

25 

 

shoir ijodi bilan bog‗liq ish yuzasidan uning ijodiga qaytadan yuzlanishga to‗g ‗ri 

keldi. Hayrat va zavq bilan birga bir qancha savollar ham paydo bo‗ldi. Shu bois 

shoirning  ―Ruhlar  isyoni‖  dostoniga  yuzlanib,  shoir  ijodiga  biografik  yo‗riq 

asosida yondashishni ma‘qul bildik.  

 Shoirning  ―Ruhlar  isyoni‖  dostoni  badiiy-estetik  va  falsafiy  jihatdan 

chinakam  san`at  namunasi  sifatida  ayricha  qiymatga  ega.  Doston  1977-1979 

yillarda  yozilgan  bo‗lib,  bengal  shoiri  Narzul  Islomga  bag‗ishlanganligi 

manbalarda  axborot  tarzida  qayd  etilib,  negadir  dostonning  yaratilish  sabablari, 

muallif  nuqtai  nazari,  maqsadi  kabi  savollar  yetarli  darajada  ochiqlanmaganligi 

bizni mulohazaga chorladi. Muallif nega aynan Narzul Islomga asar bag‗ishlashni 

niyat qildi? Narzul Islom qahramon sifatida shoir uchun vositami yoki imkoniyat?  

Doston  yozilgan  kezlar  shoir  ijodining  kamolot  cho‗qqisini  zabt  etgan 

davrga to‗g‗ri kelishini hisobga olsak, zamon tinch, yurt obod, shon-shuhrat, hayot 

farovonday.  Ammo  shoir  ruhiyatida  fikriy  bezovtalik,  nimadandir  norozilik, 

o‗zidan qoniqmaslik borligi uning shu davrda yaratilgan asarlarida yiltillab ko‗zga 

tashlanadi.  Buning  ildizi  qaerda  borib  taqalishi  va  dostonning  yuzaga  kelish 

omillari haqida mulohaza yuritish uchun ijodkor hayoti bilan bog‗liq manbalarga 

yuzlanamiz. 

Erkin  Vohidov  ijodida  Inson  –  Shaxs  –  Shoir  muammosi  konseptual 

ahamiyat kasb etgan. Uning uchun o‗zlikni anglash va sodiq qolish hayot-mamot 

masalasi  bo‗lgan.  Suhbatlarning  birida  u  ―Bu  olamda  yo‗qotishlar  ichidagi  eng 

og‗ir  yo‗qotish  insonning  o‗zligini  yo‗qotishidir.  Odamzod  tafakkur  va  ehtiros, 

ruhiyat va imon dunyosida yashaydi. U yuragidagi e`tiqod bilan, ishonch bilan tirik 

va butun. O‗zlikni yo‗qotmoq ana shu olamdan judo bo‗lmoqdir, inson imoratidagi 

ruknlarning  –  ustunlarning  sinmog‗idir‖  deb  yozadi.  Shoirlik  ijodkor  uchun  imon 

va  e`tiqod,  burch  va  mas`ul  iyat,  ishonch  va  umid  kabidir.  Ijodkor  fikriga  ko‗ra 

―hamma  zamonda  ham  jangchi,  shaxs  sifatida  ham  barkamol‖  bo‗lmog‗i  shart. 

Shoir  birinchi  navbatda  talabni  o‗ziga  nisbatan  qo‗ygan  va  bu  nuqtai  nazar 

dostondagi qahramon tasvirida sezilarli darajada aks etgan.  

―Ruhlar  isyoni‖  dostonida  Ruh  mavzusining  markaziy  muammo  sifatida 

tanlashining o‗zi  alohida izlanishni  talab etadi.  Ruh din va  falsafaning  murakkab 

kategoriyalaridan biri bo‗lib unda borliq va mavjudot o‗rtasidagi o‗zaro bog‗liqlik 

masalasida  fikr  yuritiladi.  Islom  olamida  Ruh  masalasiga  bir  oz  hushyorlik  bilan 

yondashiladiki,  inson  uni  oxirigacha  anglashdan  ojiz.  Shoir  Ruh  va  ruhlar  isyoni 

haqida  yozishni  niyat  qilganligi  sababi  uning  ijodiy  va  estetik  prinsiplariga  borib 

taqaladi.  

   

Erkin  Vohidov  o‗tgan  asrning  60-yillarning  oxirida  ―O‗zbegim‖  qasidasini 

e`lon qilinib, asar el orasida juda mashhur bo‗lib ketadi. Mazkur qasida muallifga 

nafaqat shon-shuhrat olib keldi, balki kutilmagan ta‘ziyiq, kuchli bosimga ro‗baro` 

qildi.  She`r  mohiyatiga  singdirilgan  tobe  xalqni  o‗zlikni  anglashga  chaqirish 

g‗oyasi o‗sha davr mafkurasiga tamomila zid edi. Shoirdan Moskva, partiya, sovet 

so‗zlari  ishlatilmaganligi,  shularni  kiritish  zarurligi  talab  etiladi,  katta  mukofat 

va`da qilinadi. Ular she`r dagi ―o‗zbegim‖ so‗zini ―xalqim‖ so‗ziga almashtirishni, 

ohangni  yumshatishni  taklif  qilishadi.  Bu  haqda  shoir  shunday  yozadi: 

---

26 

 

―Ta`qiblardan bezganim uchun ―Faust‖ning tarjimasini bahona qilib nashriyotdan 

ishdan  ketdim‖.  Shoir  1970-1975  yillarda  hech  joyda  ishlamaydi,  asosan  tarjima 

bilan shug ‗ullanadi. O‗zi ta‘kidlashicha, ―Bu yillar mening eng ezilgan, tushkun 

va kayfiyatsiz yillarim bo‗ldi‖ [1].  

 Shoir ―O‗zbegim‖ qasidasi uchun nohaq buhton qilinadi, adabiy jarayondan 

chekinishga  majbur  bo‗ladi.  Anchadan  beri  qiziqib  yurgan  ulug‗olmon  faylasufi 

Gyotening buyuk asari tarjimasiga qo‗l uradi. Qiziqishning bosh sabablaridan biri 

Gyotening  Sharqqa  hayrat  ila  yuzlanishi,  idrok  tarzi  bo‗lib,  bu  nozik  jihatlar 

shoirni  ruhan  unga  yaqinlashtirdi.  Gyote  oltmish  yil  ichida  yozgan  asarni  ijodkor 

besh  yil  davomida  tarjima  qiladi  va  asar  ruhiga  kiradi.  Yozuvchi  buni  ―bahona‖ 

deb  aytadi,  ammo  bu  nazarimizda  ijodiy  quvvatlanish  uchun  ilhom  manbai,  ayni 

ruhiy  balog‗at  fursati  bo‗ldi.  ―O‗zbegim‖da  shoir  ruhi  o‗zlikni  anglash,  qalbni 

uyg‗oqlikka,  fikriy  bezovtalikka  chorlasa,  Gyote  shoirni  ruhning  eng  yuksak 

cho‗qqilariga  etakladi,  uni  ruhan  ulg‗aytirdi,  o‗zidagi  ishonchni  yanada 

kuchaytirdi.  Mana  shu  ilohiy  kuch  quvvat  shoirni  o‗zi  his  qilgan  yuksaklik 

darajasidan  Inson  maqomi,  tiriklik  mohiyatiga  teranroq  nazar  solishga  undadi. 

Shoirda  pishib  etilgan  ijodiy  quvvat  uni  Inson  atalmish  mavjudotga  o‗zgacha 

falsafiy  nuqtai  nazar  bilan  yondashuvga  chorladi.  Uning  ijodida  Shaxs 

kontseptsiyasi markaziy muammoga aylandi. 1973 yilda yozilgan ―Inson‖ qasidasi 

ham  shoir  shuurida  yig‗ilgan  tuyg‗u  kechinmalarning  hosilasi  sifatida  bo‗y 

ko‗rsatdi.  Shoir  tafakkuri  jahoniy  kengliklar  qamrovida  yuksaldi,  etildi,  kamolat 

bosqichiga ko‗tarildi.  

Bu paytda esa Sharqda Inson taqdiri, uning ozodligi, hayot-mamot masalasi 

hal  bo‗layotgan  edi.  Milliy  ozodlik  uchun  kurashganligi  bois  ―Isyonkor  shoir‖ 

laqabini olgan shoir, yozuvchi, musiqachi, faylasuf va jamoat arbobi Qozi Nazrul 

Islomning  vafoti  (1976)  shoir  qalbida  kechayotgan  iztiroblarni  qaytadan  alanga 

olishiga  yo‗l  ochib  yubordi,  bo‗g‗zida  qolgan  alamlarni  so‗zga  soldi.  ―Ruhlar 

isyoni‖  dostonining  ikki  yil  vaqt oralig‗ida  yozilganligini  inobatga  olsak,  muallif 

asar uchun zarur manbalarni: Narzul Islom hayotini, faoliyatini, ijodini, she`r larini 

o‗rgangan. Ijodkor o‗z asariga shoirning ―Tug‗ilgansan ozod, mudom Ozod bo‗lib 

qol!‖ misralarini epigraf qilganligi ham bejiz emas. Erkin Vohidov Narzul Islomni 

o‗ziga  ustoz  maqomida  bildi,  shoir  ohlariga  o‗z  ovozini  hamohang  etib,  alam  va 

dardlarini  qo‗shib  jo‗rovoz  bo‗lib  kuyladi.  Ijtimoiy  muammoning  shaxsiy  dard 

bilan o‗zaro uyg‗un tarzda birikuvi doston ta`sirchanlagini oshirishga xizmat qildi. 

 

O‗zbek  adabiyotida  Sharq  masalasi  abadiy  mavzulardan  biridir.  Ayniqsa, 

hind xalqining mustamlakachilarga qarshi ozodlik harakatlari o‗zbek ijodkorlarini 

o‗zgacha  ruhda  ilhomlantirgan.  Mustamlakachilardan  aziyat  chekkan  eziluvchilar 

har  doim  bir  birlarini  so‗zsiz  tushunishgan,  ruhan  his  qilishgan.  Cho‗lponning 

―Ulug‗hindiy‖,  Fitratning  ―Chin  sevish‖,  ―Hind  ixtilochilari‖  asarlarini  yodga 

olsak,  mazkur  dostonning  yaralish  sabablari  yanayam  oydinlashadi.  Sovetlar 

talabiga ko‗ra o‗z tarixini va millatini unutishga mahkum etilgan xalq oldida o‗zini 

mas`ul  sanagan  Erkin  Vohidov  o‗zga  yurtdan  hamdard  topdi,  qayg‗usiga  sherik 

bo‗ldi. 

---

27 

 

 ―Ruhlar  isyoni‖  dostonining  kompozitsion  qurilmasi  tizimli  shaklda 

tartiblanib, mustaqil besh fasl va o‗n rivoyatdan tashkil topgan [2]. Har bir rivoyat 

keyingi  faslning  mantiqiy  davomi  bo‗lib,  yozuvchi  qissadan  hissa  tarzida 

izchillikka  amal  qilgan.  Dostonning  kirish  qismida  istibdod  og‗ir  dard  sifatida 

aytiladi.  ―Abadiyat  haqida  rivoyat‖  nomli  bo‗limda  insonning  mangu  yashashi 

emas,  balki  uning  hayoti  abadiyat  uchun  xizmat  qilishi  lozimligi  aytiladi.  ―Shoir 

qalbi‖  faslida  azaldan  insonga  isyon  ruhi  hokimligi,  inson  o‗zligini  anglashga 

intilib  yashashi  aytiladi.  Narzul  Islom  Xisrav  Dehlaviy,  Bedil,  Boburlar  singari 

oshiqlik  haqida  she`r  yozib,  dillarni  xushnud  aylashi  mumkin  edi,  ammo  taqdir 

unga ulug‗ishni yukladi, u ozodlik haqida kuylashi o‗ziga qismat deb bildi.  

Yaramasang kuniga. 

Shoir esang, 

Shoir bo‗lib 

Nega kelding hayotga 

―Isyon  qo  ‗shig  ‗i‖  faslida  shoir  inson  ozod  va  hur  bo‗lib  tug‗ilgan,  uning 

uchun  qullik  isnodligi  aytilib,  inson  zulmga  bosh  egmasligi  kerak,  deya  uni 

isyonga chorlaydi. Isyon hodisaning asl mohiyatini anglash bilan boshlanadi. Isyon 

ham  turlicha:  amal  uchun,  e`tiqod  uchun.Vatan  ozodligi  bulardan  eng  afzalidir. 

―Fidoiylik haqida rivoyat‖ faslida har bir boshga bir o‗lim, ammo sening o‗liming 

ham  ezgulikka  xizmat  qilsa,  demak  bekorga  yashamabsan,  degan  g‗oya 

singdirilgan.  She`r  monolog  shaklida  berilsa-da,  ammo  muallif  o‗zi  bilan 

munozaraga kirishadi, murosaga boradi.Askarning o‗limi malomat qilinsa-da, zero 

ayollarni qo‗shib ko‗mish odati barham topdi.  

Inson aslo Yaralmagan sabrga. 

Sig‗inaylik o‗sha tanho 

Tahqirlangan qabrga. 

Haq uchun 

Bosh tutgan tikka 

Mardlar ruhi yor bo‗lsin. 

Bu dunyoda nohaqlikka 

Ko‗nmaganlar bor bo‗lsin, 

Zo‗rlik ko‗rsang, 

Qilma toqat, 

Har boshda bir o‗lim bor, 

Fidoyilar umri faqat 

Bu dunyoda poyidor! 

―G‗alayon‖  deb  nomlangan  bo‗lim  avvalgilari  bilan  ichki  mantiqiy 

bog‗liqlikda  bir  birini  to‗ldiradi.  Aslida,  mantiqan  o‗ylab  ko‗rilsa,  g‗alayon 

isyondan  oldingi  bosqich,  voqelikning  pishib  yetilish  jarayonidir.  Bo‗limda 

urushning  asl  sababchisi  hindu  musulmonni  bir  biriga  qarshi  qilib,  ularni 

o‗ldirayotgan  kimsalarning  asl  basharasi  fosh  qilinadi.  Keyingi  qismda  shoir 

shaxsiyati,  shoir  o‗zi  kim,  ijod  nima  kabi  savollar  atrofida  fikr  yuritiladi.  Elning 

koriga  yaramagan  shoir  emas  degan  javobni  aytadi.  Kichik  bo‗lim  uch  qismdan 

iborat.  Dastlab,  muallif qahramon haqida so‗zlaydi.  O‗rtada lirik chekinish, unda 

---

28 

 

muallif nuqtai nazari ravshan ko‗rinadi. Keyingi qismda xulosa shaklidagi bayon 

beriladi.  Shoirni  malomat  qilib,  hibs  etgan  olamon  jaholatda  ekanini  muallif 

anglaydi,  ulardan  og‗rinmaydi.  Asl  fojia  johillik  ekani  ta‘kidlanadi.  Johillik 

mohiyatini to‗liqroq ochish uchun ―Jaholat to‗g‗risida rivoyat‖ nomli fasl berilib, 

mantiqiylik ta‘minlanadi. Jaholatning haqiqiy mohiyati ochib beriladi. Tabibni o‗zi 

davolagan  odamlar  olovda  yoqadi.  Shoir ma`naviy  ko‗rlikka, qalb ko‗ziga ishora 

qiladi. Tabibning malhamidan ko‗r ko‗zi ochilgan chol uni malomat qilib gulxanga 

o‗t  tashlashi,  asarning  ta`sir  kuchini  yanada  ortiradi.  Adabiyotshunos  olim 

U.Hamdam  ―Jaholatga  qarshi  isyon‖  nomli  maqolasida  jaholat  haqidagi  faslni 

dostonning eng muhim ustunlaridan biri sifatida e`tirof etgan [3]. 

―Tutqunlikda‖,  ―Shohi  jahon  va  Avrangzeb  haqida  rivoyat‖,  ―Sharpalar‖ 

fasllarida  qahramonning  uy  kechinmalari,  iztiroblari  izchil  tarzda  ko‗rsatib 

beriladi.  Har  bir  fasl  muallif  maqsadi  va  niyatining  ifodasi  sifatida  tartiblangan. 

Navbatdagi fasl ―Oliy ruhlar haqida rivoyat‖ deb nomlanib ulug‗odamlarning ruhi 

ham  buyuk  bo‗ladi,  millatni  yo‗lga  boshlaydi  degan  fikrlar  beriladi.  Doston  ayni 

dahriylik  kuchaygan  yillarda  yaratilib  yozuvchi  qandaydir  oliy  ruhlar  borligiga 

ishora qiladi, aslida bu o‗z davri uchun katta jasorat. 

Bid‘at yotdir menga, 

Dahriy fikrat egadir. 

Oliy ruhlar borligiga 

Ishonaman negadir 

―Ozodlik‖,  ―Zohidlar  va  oriflar  haqida  hikoyat‖  (rivoyat  emas,  hikoyat), 

―Nihoya‖  fasllarida  Narzul  Islom  nomi  halqni  kurash  sari  ruhlantirdi,  hindu 

musulmon  birlashtirdi,  Vatan  ozod  bo‗lishiga  xizmat  qilganligi  bayon  qilinadi. 

Dostondagi  har  bir  fasl,  har  bir  qism  o‗zida  poetik  mazmun  tashigani  ma`lum 

bo‗ladi.  

Jisman chetda, 

Ammo ruhan 

G‗alayonda men ham bor. 

Nazrul Islom 

Ruhi bilan 

Bormokdaman bir qator 

Nazrul Islom 

Ruhi mendan 

Shunda hisob so‗raydi. 

Shoir bo‗lib 

Elga bukun 

Darkormisan, der menga. 

Fidolikka xalqing uchun 

Tayyormisan, der menga, 

Erkin  Vohidov  Narzul  Islom  qiyofasida  o‗z  siyratida  jo  bo‗lgan 

kechinmalarni,  iztiroblarni,  o‗kinchu  o‗tinchlarni  tasvirlashga  muvaffaq  bo‗ldi. 

Qahramon  murojaati  nafaqat  muallifga  balki  jami  dunyo  ijodkorlariga  qaratilgan. 

Shoir tabiatidagi falsafiylik va oqillik qahramonga o‗zgacha jon baxsh etdi. Doston 

---

29 

 

shoir  ruhiy  kamolatining  namunasi  sifatida  adabiyotshunoslikda  muhim  manba 

bo‗lib xizmat qilishi tayin. 

Foydalanilgan adabiyotlar: 

1. http: kh-davron.uz. Erkin Vohidov. Umr bekatlari. She`r lar, tarjimalar. 

Kuy avjida uzilmasin tor.  

2. Vohidov E. Tanlangan asarlar. Saylanma. –Toshkent.: Sharq, 2017.