Zbekiston respublikasi oliy va o ‗ rta maxsus ta`lim vazirligi

ERKIN VOHIDOV 

–

 XX ASR O„ZBEK SHE`RIYATI 

MUMTOZ VAZNINING OTASHIN HIMOYACHISI 

Dilfuza HAMROYEVA,

  

o„qituvchi (Buxoro)  

 

Shoir Erkin Vohidovning she`rxonlarga bir kamtarona o‗tinchi bor: 

Istadim sayr aylamoqni men g‗azal bo‗stonida, 

Kulmangiz ne bor senga deb Mir Alisher yonida. 

Shoir Erkin Vohidov o‗zbek she`riyatida aruz vaznining himoyachilari safida 

turib, bu vaznda mavzu jihatdan xilma-xil, xalqqa manzur bo‗ladigan, sevib o‗qilib 

kuyga  solinadigan  g‗azallar  yaratdi.  Xususan  ,‖Yoshlik‖  devonida  shoirning  jonli 

tili va badiiy mushohada qobiliyati yaqqol namoyon bo‗ladi. Bu haqida xalq shoiri 

Abdulla Oripov shunday  yozadi:―Yoshlik devoni‖ni  o‗qir ekansiz, shoir qalbidan 

sizib  chiqayotgan  ma‘sum  tuyg‗  ular  go‗yo  sirli,  sehrli  so‗zlarga  aylanadi.  Shoir 

ukparday  mayin  bu  so‗zlarni  to‗zg‗  itib  o‗ynaydi-yu,  ulardan  g  o‗zal,  o‗ynoqi 

ohanglar  yaratadi,  so‗ngra  esa  ular  asta  o‗rni-o‗rniga  tushadi,  xuddi  dastgohdan 

chiqayotganday.  Quyma,  betakror  satrlar  paydo  b  o‗layotganday  taassurot 

qoldiradi kishida: 

Tun bilan yig‗labdi bulbul, 

 G‗uncha hajri dog‗ida. 

Ko‗z yoshi shabnam bo‗lib 

Qolmish uning yaprog‗ida. 

Ona tilimizdagi ipakdek mayin, kamalakdek rang-barang, g‗oyat nozik lutf, 

beozor qochirimlar ,goh hazin, goh samimiy tabassum uyg‗otuvchi tashbehlar 

,o‗tkir xulosalar – bular bari ulkan shoirimiz qalamiga mansub betakror 

fazilatlardir‖ [1, 246]. 

  

Rashkim‖  she`ri  ham  muhabbat  mavzusida  bitilgan,  o‗ynoqi  misralar-u  dilga 

yaqin  tashbehlar  mahsulidir.  Dunyo  yaralibdiki,  ishq,oshiqlik  tushunchalari 

barhayot. Muhabbat, ishq – hayotning ma`nosini, mohiyatini ,davomiyligini ta‘min 

etuvchi  yuksak  tuyg‗  u  ekanligi  hammaga  ayon  haqiqat.  Aslida  g‗azal  ham 

muhabbat hissining to‗fonidan paydo bo‗lgan.  

  

Erkin  Vohidovning  ―Rashkim‖  g‗azali  ishqiy  mavzuda  bitilgan  bo‗lib,  el 

orasida  mashhur.  G‗azal  olti  baytdan  iborat.  U  aruzning  hazaj  bahrida  ,ya`ni 

mafoiylun-mafoiylun-mafoiylun-mafoiylun  ruknida  bitilgan.  G‗azalda  o‗zimdan- 

ko‗zimdan-yuzimdan-uzumdan-so‗zimdan-yulduzimdan-o‗ttizimdan 

so‗zlari 

qofiya  bo‗lib,  ham  yuklamasi  radif  vazifasini  bajargan.  She`rda  tashbeh,  tanosib, 

---

342 

 

tadrij  san`atlaridan  samarali  foydalanilgan.  G‗azal  oshiq  qalbining  jo‗shqin 

muhabbatini  ifoda  etadi.  Shoir  she`rda  ishq  otashida  yongan,  butun  olami 

muhabbat  bilan  to‗lgan  oshiq  timsolini  chizadi.  Biz  bilamizki,  insonning  qalb 

oynasi bu- ko‗z. Yorni yotlardangina emas, hatto o‗zidan rashk qilish – bu ishqni 

ilohiy  bilish,  uni  qalbda  pinhon  saqlash  demakdir.  Zero,  Navoiyning  ―Farhod  va 

Shirin‖ dostonida Farhodning Xusrav bilan shunday savol-javobi bor: 

Dedikim: dilbaringning de sifotin? 

Dedi: til g‗ayratidin tutmon otin [2, 86]. 

 

Farhod yorning nomini aytmay, ―til g‗ayratidan tutmon otin‖ deydi. Ya`nikim, 

yorning nomini aytishga hatto tilimdan ham rashk qilaman‖. Bunday javobga loyiq 

bo‗lgan  sevgini  izohlashga  hojat  yo‗q.  Bu  sevgini  muqaddas  bilish,  uni  botinda 

saqlash,  unga  yengil  qaramaslik  ifodasidir.  Birinchi  baytda  his-tuyg‗  u,  mazmun 

misralar  osha  kuchayib  oshiq  yorni  nafaqat  yotlardan,  balki  o‗zidan  ham  rashk 

qiladi.  Bu  rashk  shunchalar  alanga  oladiki,  hatto  lirik  qahramon  yorni  o‗z 

ko‗zlaridan ham qizg‗ona boshlaydi. Misralar badiiyatida tadrij  san`atining go‗zal 

ko‗rinishi aks etadi: 

 Seni yotlar tugul hatto - qilurman rashk o‗zimdan ham, 

 Uzoqroq  termulib  qolsam,  bo‗lurman  g‗ash  ko‗zimdan  ham  [3,  273].  Keyingi 

baytda ko‗zdagi  rashk  lolaga ko‗chadi. Shoir  ko‗z  bilan nargisni, lola  bilan  yuzni 

parallel  qo‗llab,  qiyos  usulini  yaratadi  va  ularning  o‗xshashligi  zamirida  yuzning 

qizilligiga  ishora  qiladi.  Nargis,  lola,  chaman  tushunchalarini  yonma-yon  qo‗llab 

tanosib san`atini yaratadi: 

Ko‗zim yongay senga nargis – ko‗zin tiksa chamanlarda, 

Yashirmam,lolaga rashkim ayon bo‗lgay yuzimdan ham. 

  

 Nega  yuz  qizil?  Negaki, oshiq  iboli,  uyatchan.  Undagi  oshiqlik  odobi  yuzida 

zohir  bo‗ladi.  Baytlar  osha  oshiqning  rashki  ma‘shuqa  siymosi  go‗zalligini 

ta‘minlagan  ol  labga  teggan  gilos  va  uzumga  bo‗lgan  hasadga  aylanadi.  Lirik 

qahramon  ma‘shuqa  labini  charos-u  ol  gilosga  o‗xshatib,  tashbehning  go‗zal 

namunasini qo‗llaydi: 

Degaylarki, charos-u ol gilos olmish labingdan rang, 

Labing tegsa hasad qilgum gilos birlan uzumdan ham. 

  

 Oshiq  tuyg‗  ularini,  dil  izhorini  pinhon  tutadi.  Ammo  bu  ish  imkondan 

tashqari,  chunki  ishq  shunday  to‗fonki,  uni  oshkor  etmaslikning  iloji  yo‗q.  Biroq 

bu  izhor  ma‘shuqaga  yoqmaydi,  yorning  qoshi  chimirilishidayoq  u  iqroridan  –

―qo‗pol aytgan so‗z‖ idan pushaymon bo‗ladi.Oshiq qo‗pol so‗zlamadi, balki o‗z 

sevgisini  izhor  qildi-ku!  Lekin  muhabbatni  tilga  chiqarmoqning  o‗zi  qo‗pollikdir. 

Baytda muhabbatning hayo bilan go‗zal ekanligi, uni yengil-yelpi qiliq yoki oddiy 

so‗z bilan ifoda etib bo‗lmasligi haqidagi fikr oydinlashadi. Qolaversa, ishq pinhon 

tutilmog‗i  kerak.  Hazrat  Navoiy  bir  g‗azalida:  ―Kimki  ishqi  pok  erur,sirri  aning 

pinhon kerak‖, deb yozadi [4, 35] 

 Seni jonim dedim yolg‗ iz, seni qalbim dedim tanho, 

 Chimirding qosh, pushaymonman qo‗pol aytgan so‗zimdan ham. 

 Keyingi baytda  ―tongdan ko‗ngilda  ranj‖  jumlasi  bor. Oshiq qalbi  tong  otishidan 

qo‗rqmoqda. Nega? Mumtoz she`riyatda oshiqlarning yorsiz hayoti, ro‗zg‗ oriqora 

---

343 

 

tunga  o‗xshatilgan.  Zero,  ―Navoiyda‖  ro‗zg‗  orimdek  ham  o‗lg‗onda  qorong‗  u 

kelmadi‖  misrasi  bor.  Lekin  oshiq  o‗sha  qora  tunda  ham  baxtli  .  Nimasi  bilan  ? 

Yorning  shirin  yodi,  visol  orzusi  bilan  baxtli.  Nogoh  tong  otsa-yu,  oshiq  visolga 

yeta olmasa, o‗sha shirin xayollaridan ham ayrilib qolishdan cho‗chiydi: 

Visol onida ko‗z ochsa, ne tong, tongdan ko‗ngilda ranj, 

Judo qilgay meni oy yuz, xumor ko‗z yulduzimdan ham. 

 So‗nggi  baytda  oshiqning  ―senga  o‗n  to‗rtda  bog‗landim‖  degan  o‗tinchi  bor. 

Eslang,  Farhod  ham  ayni  shu  yoshda  ich-u  tashi  ishq  bilan  to‗lgan  edi.  Demak 

yorni  anglash,  uning  sevgisini  to‗la  his  qilmoq  uchun  shu  yosh  nazarda  tutilgan. 

Shoir  ishqqa  bog‗  langan  dilning  o‗ttiz  yoshda  ham  erkin  bo‗la  olmasligini  va 

bundan oshiqning mamnunligini ―aql kirmas‖ kinoyasi bilan tasdiqlaydi: 

Senga o‗n to‗rtda bog‗ landim, hanuz erkin bo‗lolmas dil, 

O‗zim dog‗ man, aql kirmas, to‗zimsiz o‗ttizimdan ham. 

  

Erkin Vohidovning ―Rashkim‖  g‗azali ishq bilan limmo-lim qalbning iffat va 

nafosat pardasiga o‗ralgan izhoridir. Baytdan baytga o‗tgani sayin oshiqning rashk 

o‗ti kuchayib boradi. Har bir baytda yangicha ifoda va timsollarga duch kelamiz. 

G‗azaldagi  oshiqning  mehribon  nigohi,  nafis  muomalasi  beixtiyor  ko‗ngilga 

ko‗chib o‗tadi. Rashk tushunchasi o‗zgacha ma`no va mohiyat kasb etadi.  

Erkin Vohidovning devonida jamlangan g‗ azallarni o‗qir ekanmiz,hassos shoir 

tizgan  satrlarning  yangi  qirralarini  kashf  etamiz.  Kuyga  osongina  tushadigan 

dilbar,o‗ynoqi  misralardan  yangi-yangi  ma`no  tovlanishlarini  topib  hayratimiz 

oshadi.  Bir  bir  so‗z  bilan  aytganda  Erkin  Vohidov  -  XX  asr  o‗zbek  she`riyatida 

aruzni qayta tiriltirgan ijodkor, mumtoz vaznning otashin himoyachisi. U yaratgan 

betakror g‗azallar asrlar osha qalblarni o‗ziga maftun etib kelaveradi. 

Foydalanilgan adabiyotlar: 

1. Jamoa. Ona tili va adabiyot. Akademik litsey va kasb-hunar kollejlari uchun 

darslik. 

–

T.: Sharq, 2015. 

2. A. Navoiy. Farhod va Shirin. – T.: Adabiyot va san`at nashriyoti, 1990. 

3.  Vohidov  E.  Muhabbat.  –  Т.:  G‗afur  G‗ulom  nomidagi  adabiyot  va  san`at 

nashriyoti, 1976.