¤збекистон республикаси олий ва

Динамика принципи. Иқтисодиётнинг самарадорлигини ошириш учун стандартлаштириш объектларининг техника тараққиёти шартларига жавоб берадиган даражада бўлишлари учун вақти-вақти билан қайта кўриб чиқиш зарур.

Минимал моддий харажатлар улуши. Тўқимачилик ва енгил саноат маҳсулотларида моддий сарф харажатларни улуши 65-80% ни ташкил этади. Шунинг учун ҳам маҳсулот бирлигига кетадиган хом-ашё сарфини қисқартириш муҳим аҳамиятга эгадир. Маҳсулотларни стандартлаштиришда хом-ашё сарфи улушини қисқартиришга имкон берадиган илғор технологияни татбиқ этиш, энг мақбул бичиш карталарини қўллаш, маҳсулотнинг узоққа чидамлилик, таъмирланувчанлик хусусиятларини яхшилаш моддий харажатлар улушини қисқартиришга имкон беради.



Назорат саволлари:

1. Стандартларни илмий ташкил этишнинг системалилик принципи нимани билдиради?

2. Комплекслик ва оптимал чегараланиш принципи деганда нимани тушунасиз?
3. Стандартларни оптималлаштириш ва прогрессивлик принципи ўз ичига нималарни олади?
4. Стандартлаштирилаётган маҳсулотнинг боғлиқлигини таъминлаш ва стандартларнинг ўзаро боғлиқлик принципи нимани билдиради?
5. Стандартларни ишлаб чиқишнинг илмий-тадқиқот принципи ўз ичига нималарни олади?
6. Устиворлик ва динамика принципи деганда нимани тушунасиз?
2.2. Сифатни бошқариш системасида ИСО 9000 сериясидаги халқаро стандартлар.
Қатор давлатларда сифатни бошқариш бўйича миллий стандартлар 70-йиллардан бери мавжуд. Улар биринчи навбатда авиация, космонавтика, ҳарбий техникани ишлаб чиқариш каби муҳим тармоқларида лойиҳалаштириш ва ишлаб чиқариш босқичларида сифатни таъминлаш мақсадида ишлаб чиқилди ва қўлланилди.
Стандартлаштириш ва сифатни таъминлаш ситемасини қўллаш соҳасидаги миллий тажрибага асосланиб ИСО/ТК-176. 1987 йил ИСО 9000 сериясидаги биринчи 5 та стандартни ишлаб чиқди. Шу билан бир қаторда сифатни таъминлаш соҳаси МС ИСО 8402 даги тушунчалар ва уларни таърифи бўйича луғат тайёрланди.