Ўзбекистон республикаси олий ва ўрта маҳсус таълим вазирлиги

 
Пардозлашда ишлатиладиган фасадбоп қоплама сопол ашёлар 
тўғри шаклли, бир текис рангдаги ғишт ва сопол тошлар кўп ишлатилади. 
Фасадбоп қоплама ғишт ва тошлар шаклига ва ишлатилишига кўра бир 
қаторга ва бурчакларга териладиган хилларга ажратилади. Бундай ғиштлар 
150, 100, 75 маркаларда чиқазилади. Уларнинг сув шимувчанлиги 8-14%, 
музлашга чидамлилиги 25 циклдан кам бўлмаслиги керак. Хар хил рангли 
қоплама сопол буюмлар, асосан нам усул билан тайёрланади ва юқори 
сифатли лой қоришмаси бўлган тақдирда эса ним қуруқ усул ҳам ишлатилади. 
Фасадбоп қоплама сопол плиткалар юқори сифатли лойни обдан пишитиб 
(зичлаш усул билан) ишланади.Бундай сопол плиткалар қалинлиги 20-25 мм, 
юзаси 250х138 мм ўлчамларда қаторбоп ва бурчакбоп қилиб чиқарилади. 
Плиткаларнинг сув шимувчанлиги 6-14%, музлашга чидамлилиги эса 25 
циклдан кам бўлмайди. Плиткалар тайёр девор юзасига цемент қоришмаси 
билан ёпиштирилади. 
Майолик плиткалар табиий куйган тупроқдан олинади ва уларнинг 
юзаси сирланади. Плиткаларни таснифлаганда қуйидаги хилларга бўлинади: 
юзасининг шаклига кўра - буюртма таснифли ва фактурали; юзасидаги 
сирнинг хилига кўра - ялтироқ, қўнғир ва бир хил ёки кўп рангли хира 
тасвирли.
Гулдор-майолик плиткалар - пишириш жараёнида табиий равишда 
рангланувчи ёки рангли сир суртилган қопламали сопол ашё. Бундай сопол 
плиткалар билан қопланган бино фасади гиламсимон чиқади. Тошкентда 
қурилган 19 қаватли маъмурий бино ва Амир Темур музейи каби бинолар 
бунга мисол бўлаолади. 

---

Сирли қатлам - глазур эриганда пардозбоп плитка юзасида шишасимон 
ҳолатга ўтади. У осон эрийдиган лойнинг буюм юзасига суртиб, кейин 
куйдирганда ҳосил бўлган қатламдир. Сирланган плитка юзаси жуда текис 
бўлганлиги туфайли, унда сув ёки чанг ушланмайди. Турли ранглар билан 
қориштириб суртилган сирли плиткалар девор сиртини безашда, 
меъморчиликда ва бошқа мақсадларда кўплаб ишлатилади. 
Чинни ва фаянс учун асосий хомашё таркибида асосан каолинит 
минерали бўлган тоғ жинси каолин ишлатилади. Барча нозик сопол ашёлари 
таркибини асосан дала шпати (микролин ва бошқалар) билан кварц ташкил 
этади. Фаянсни сиқилишдаги мустаҳкамлиги 100 МПа гача, сув 
шимувчанлиги 12% дан кам, фарфорни мустахкамлиги эса 200-500 МПа, сув 
шимувчанлигиа 1% дан кам бўлади. 
Пардозбоп сопол буюмларни янада жозибали, чиройли бўлиши учун 
улар юзаси ангобли оқ ёки ҳар хил рангли тупроқ қуйқаси билан 0,25-0,44 мм 
гача қалинликда суртилади.