Ўзбекистон республикаси олий ва ўрта маҳсус таълим вазирлиги ислом каримов номидаги

Таққослаш эталони - бирор сабабга кўра бир-бири билан бевосита солиштириб бўлмайдиган эталонларни солиштириш учун қўлланиладиган эталон.
Таққослаш эталонига турли мамлакатларда электр кучланиши бирлиги эталонларининг бир-бири билан ўзаро солиштириш учун ишлатиладиган ўзгармас токдаги электр кучланишининг ташиладиган юқори стабилли электрон ўлчови мисол бўла олади.
Гувоҳ эталон - давлат эталонининг бутлилигини ва ўзгармаганлигини текшириш ва бузилган ёки йўқолган холларда уни алмаштириш учун мўлжалланган иккиламчи эталон.
Ҳозир, Халқаро бирликлар тизимининг асосий бирликларини эталонларидан фақат масса бирлигининг эталони - килограммнинг гувоҳ эталони бор.
Ишчи эталон - бирликнинг ўлчамини ишчи ўлчаш воситаларига узатиш учун мўлжалланган эталон.
Ишчи эталон бирлигининг ўлчами иккиламчи нусха эталон бўйича ёки баъзи ҳолларда, тўғридан-тўғри бирламчи эталон бўйича қўйилади.
Эталонларнинг таркибига на фақат катталик бирлигини қайта тиклайдиган ва сақлашни амалга оширадиган энг юқори аниқликдаги ўлчаш воситалари эталонлар киритилади, балки бирлик ўлчамини эталондан бошқа ўлчаш воситаларига узатиш, ўлчаш шароитини назорат қилиш ва эталонда сақланадиган катталик бирлиги ўлчамини ўзгармаслигини кузатиш учун зарур бўлган бошқа ўлчаш воситалари ҳам киритилади.
Зарур бўлганда, эталонлар таркибига уларнинг ишини таъминлайдиган бошқа техникавий воситалар (масалан, информацион-ҳисоблаш комплекслари, махсус платформалар, иншоотлар ва бошқалар) киритилади.
Ишчи эталонлар зарур бўлганда, намунавий ўлчаш воситалари (НўВ) учун қабул қилинганидек, l,2,...n - разрядларга ажратилади. Бу холда бирликнинг ўлчами разрядлари бўйича бир-бирига тобе ишчи эталонлар тизими орқали узатилади ва бирликнинг ўлчами бу тизимдаги охирги ишчи эталондан ишчи ўлчаш воситасига узатилади.
Юқорида ёзилганидек, эталонларнинг ўзаро метрологик тобелиги 1-расмда кўрсатилган схема кўринишида берилиши мумкин.



Бирламчи эталон


Иккиламчи эталон