Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚни сақлаш

Ишлаб чиқариш цехларида ҳаво йўналтирувчи қувурларнинг тўғри 
жойлаштирилганлигини баҳолаш. 
Иш хоналарида вентиляция системасининг самарадор ишлаши ҳаво қувурларини 
тўғри жойлаштирилганлигига боғлиқ. Ҳаво олиб келувчи умумий вентиляцияни ҳаво 
қувурлари асосан хонанинг юқори қисмида (периметр бўйлаб ѐки ўрта қисмида) маҳаллий 
вентиляциянинг ҳаво қувурларининг нафас олиш минтақасига (ер сатҳидан 2 м юқорида) 
яқин жойлаштирилади. Ҳаво олиб келувчи умумий вентиляциянинг ҳаво қувурлари 
(уларнинг ҳаво тортадиган тешиклари ҳам) жойлаштирилиши олиб кетиладиган ҳаво 
таркибидаги кимѐвий моддаларнинг агрегат ҳолати ва кимѐвий таркибига боғлиқ. 
Масалан, агар хона ҳавосига ацетон буғи тарқалса унинг ҳаводан енгиллигини назарга 
олиб ҳаво тортувчи вентиляция қувурлари хонани юқори қисмида жойлашиши керак. Агар 
симоб парлари бўлса ҳаво хонани пастки қисмидан тортилиши керак. Ҳаво олиб келувчи ва 
ҳаво олиб кетувчи вентиляцияларнинг ҳаво қувурларини ўзаро мутаносиб жойлаштириш 
керак. 
Агар ҳавога ўта енгил газлар ажралиб чиқса умумий вентиляциянинг ҳаво тортадиган 
қувурлари ҳаво келтирувчи қувурларига нисбатан юқорида жойлаштирилиши керак. 
Ҳаводан оғир симоб, бензин, қўрғошин парлари чиқса ҳаво олиб келувчи қувур юқорида 
олиб кетувчи эса хонани пастида жойлаштирилиши лозим. 
Маҳаллий ҳаво тортувчи вентиляция системаларини ўрганиш ва 
самарадорлигига баҳо бериш. 
Иш жойларида бўладиган зарарли омилларни (чанг, газ ва парлар) ҳосил бўлган 
жойдан олиб кетиш яхши самара беради. Бу мақсадларда маҳаллий ҳаво тортадиган 
вентиляциянинг бир неча турлари бор. Буларга ҳаво тортувчи шкаф, кожух-қобиқ, мўри ва 
ѐн томонидан тортувчи ва бошқалар киради. Бу турлардан фойдаланиш тортиб олинувчи 
омилга боғлиқ. 
Масалан чангни тортиб олиш лозим бўлса, қобиқ ѐки ѐн томондан тортадиган 
турларидан фойдаланилади. Маҳаллий ҳаво тортиш вентиляция системаларини тортиш 
тешигидаги ҳаво тезлиги билан белгиланади. 
Амалдаги услубий кўрсатмалар ва йўриқномаларда кўрсатилишича чанг тортилишида 
бошлангич ҳаво тезлиги 4 м/с дан кам бўлмаслиги, мўрилар фақат ортиқча иссиқлик учун 
белгиланган бўлса 0,15 м/с тавсия этилади.