Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

ТАЛАБАЛАРНИНГ МУСТАҚИЛ ИШИНИ ТАШКИЛ ЭТИШДА 
ЯНГИ ПЕДАГОГИК ТЕХНОЛОГИЯЛАРНИНГ ҚЎЛЛАНИЛИШИ 
 
З.А.Гиясов, М.А.Ҳасанова, С.А.Ҳакимов, Э.Х.Жуманиёзов 
Тошкент тиббиёт академияси 
 
Фан бўйича ўқув дастурининг ўзлаштирилишида маъруза, амалий, 
семинар машғулотлари билан бир қаторда талабаларнинг мустақил иши 
ҳам муҳим ўрин тутади. Бинобарин, мазкур ўқув шаклини 
ташкиллаштиришнинг, бу жараёнда янги педагогик технологияларни 
қўллашнинг ўзига хос хусусиятлари мавжуд. 
Талабаларнинг мустақил иши маъруза, амалий машғулотлар 
материалларини такрорламаган ҳолда уларни тўлдириши, айрим 
масалаларга янада аниқлик киритиши лозим. Ушбу талабни инобатга олиб, 
кафедрада ўқув йили бошида ўқитиладиган фанлар – суд тиббиёти ва 
тиббиёт ҳуқуқи бўйича ҳар бир машғулот учун мустақил иш мавзулари 
рўйхати ишлаб чиқилади. Ҳар бир мавзу бўйича мустақил иш объектлари 
ва турлари белгиланади. 
Хусусан, суд тиббиёти фани бўйича одатдаги мавзу бўйича реферат, 
слайдли презентация тайёрлаш, мурда ёки тирик шахснинг суд-тиббий 
экспертизасида қатнашиш ва суд-тиббий ташҳис, эксперт хулосасини 

---

759 
тузишдан ташқари талабаларга мустақил иш турлари тарзида янги 
педагогик технологияларга асосланган чизмали органайзерларнинг турли 
вариантларини тузиш, янги вазиятли масалалар ёки конкрет масала бўйича 
турли мураккабликдаги тестлар мажмуасини ишлаб чиқиш вазифаси 
берилиши мумкин. 
Мустақил ишда тайёрланган материал ўқув машғулоти жараёнида 
мунозара ва бошқа интерактив ўйинлар кўринишида муҳокама этилади. 
Бунда талабалар нафақат янги материал билан танишади, балки уларда 
олинган маълумотларни умумлаштириш ва таҳлил қилишга доир 
кўникмалар шаклланади. 
Агар анъаний ўқитиш ўрта миёна талабанинг имкониятларига 
мўлжалланиб олиб бориладиган бўлса, замонавий ўқитиш технологиясида 
ҳар бир талабанинг имкониятларини ҳисобга олишга йўналтирилган. Шу 
сабабли мустақил иш топшириқларини тақсимлаш ва баҳолаш жараёнида 
талабаларга нисбатан индивидуал ёндашиш тақозо этилади.