Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚни сақлаш

Фаннинг ўқув режасидаги бошқа фанлар билан боғликлиги ва услубий жихатдан узвийлиги
Психиатрия, наркология ва болалар психиатрияси,тиббий психология ва психотерапия фани тиббий фан ҳисобланиб, IX ва X-семестрларда ўқитилади. Дастурни амалга ошириш ўқув режасида режалаштирилган тибиий-илмий (тиббий биология ва генетика, одам анатомияси, биофизика, нормал физиология, психология, эндокринология, ички касалликлар, асаб касалликлар, клиник фармакология) фанлардан етарли билим ва кўникмаларга эга бўлишлик талаб этилади.

Фаннинг соғлиқни сақлаш тизимидаги ўрни
Умумий амалиёт шифокорини тайерлаш соғлиқни сақлашни, касалликларни олдини олишни ва беморларга ўз вақтида тўғри бирламчи ёрдамни кўрсатиш борасида катта ахамиятга эга. Умумий амалиёт шифокорига инсон рухий фаолияти физиологиясини ва патологиясини билиш, уларни олдиларига қўйилган вазифани тўғри бажаришга ёрдам беради. Чунки рухий касалликлар баъзи холатларда бошқа профилдаги касалликлар клиникаси билан кечиши ёки уларнинг клиникаси остида ниқобланиши мумкин. Шунингдек баъзи бошқа тиббиёт сохаларига тегишли бўлган касалликларда хам симптоматик келиб чиқишга эга бўлган рухий бузилишлар кузатилиши мумкин. Бундай холларда касалликнинг белгиларни эрта аниқлаш, уни тўгри ташҳислаш ва тегишли мутахассисларга ўз вақтида юбориш беморнинг ўз вақтида ва адекват тиббий ёрдам олиши ва даволанишига, бу эса унинг хаёти, саломатлиги ва мехнат қобилиятини сақлаб қолишда мухим ўрин эгаллайди.


Фанни ўқитишда замонавий ахборот ва педагогик технологиялар
Талабаларнинг психиатрия, наркология ва болалар психиатрияси,тиббий психология ва психотерапия фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни татбиқ қилиш муҳим ахамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, компьютер дастурлари, электрон материаллар ҳамда замонавий ёруғлик микроскопи, видеотизимлардан фойдаланилади. Маъруза ва амалий дарсларда мос равишдаги илғор педагогик технологиялар қўлланилади.