Ўзбекистон республикаси олий ва ўрта махсус таълим вазирлиги з. М. Бобур номидаги андижон давлат университети “ижтимоий-иқтисодиёт” факультети

Электрон манбалар

1. 
   www.mfa.uz.
   
2. 
   www.press-servise.uz.
   
3. 
   www.literature.uz.
   
4. 
   www.lex .uz.
   
5. 
   www. Ziyo net.uz.
   
6. 
   www.gov.uz
   
7. 
   www.bilim.uz.
   

7-МАВЗУ: ГЛОБАЛЛАШУВ ЖАРАЁНИДА МАФКУРАВИЙ ИММУНИТЕТни шаклантириш вазифалари.
Режа:
1. Ҳозирги даврда дунёнинг мафкуравий манзараси.
2. Мафкуравий жараёнларнинг миллий тараққиётга ижобий ва салбий таъсири.
3. Мафкуравий полигон ва мафкуравий профилактика.
4. Мафкуравий иммунитетни шакллантириш омиллари.
5. Сиёсий ҳушёрлик ва сиёсий маданият мафкуравий иммунитетнинг муҳим омили.

Бутун дунёда эътироф этилган таърифга кўра глобаллашув – жаҳон тараққиётининг асосий тенденцияларидан биридир. Савдо ва ишлаб чиқариш, иқтисодий, молиявий алоқаларнинг дунё миқёсида ғоят кучайиши, тезлашиши глобаллашувнинг вужудга келишига замин яратди.

Глобаллашув – иқтисодий, сиёсий, маданий алоқаларнинг ҳаддан ташқари интенсивлашуви, энг янги ахборот технологиялари ва умуман ахборотнинг жиҳон миқёсида шиддат билан тарқалиши, халқаро стандартлашуви ва маиший турмушда, истеъмолода, шу жумладан, номоддий истеъмолда умумий қолип ҳамда андозаларнинг пайдо бўлишидир³³.
Мафкуравий жараёнларнинг глобаллашуви - ғоявий таъсир ўтказиш имкониятларининг кенгайиши оқибатида унга Ер юзининг барча минтақаларида мафкуравий кураш умумбашарий миқёс касб этганлигини ифодаловчи тушунча.
Инсоният тарихининг ҳозирги босқичи ижтимоий, сиёсий, иқтисодий-маънавий, маданий ҳаётнинг барча соҳаларида халқаро муносабатларнинг интеграциялашуви ва интенсивлашуви билан характерланади. Хусусан, алоқа воситаларининг ривожланиши, уларнинг компьютерлаштирилиши, электрон почта, интернет, космик телерадиоалоқа тизимларининг техник-технологик воситалари кучайиб кетиши билан ахборот алмашув, бинобарин, ғоявий таъсир ўтказиш имкониятлари ҳам тобора кенгаймоқда. Мафкуравий жараёнларнинг глобаллашувида бир-биридан тубдан фарқ қиладиган икки йўналиш, тенденция номаён бўлмоқда.