Ўзбeкистон рeспубликаси олий ва ўрта махсус таълим вазирлиги

Клиник манзараси
. 
Янги туғилган чақалоқларда эрта неонатал даврда (кўпинча ҳаѐтнинг 
биринчи 3 кунида) аниқланган қорин ичи инфекциянинг энг типик клиник 
белгилари бўлиб: туғилишда қорин ичи ривожланишнинг секинлашиши, 
шиш синдроми, тери қопламлари ранги ўзгариши (рангпар ѐки сариқлик), 
мушаклар тонусининг ва рефлексларининг, ҳаракат фаоллиги ва сўриш 
рефлекси пасайиши, цианоз ҳуружлари, тана вазнининг бирламчи катта 
йўқотилиши (10% ѐки ундан кўп) ва унинг секин тикланиши, тана вазнининг 
такрорий пасайиши, ясси вазн эгрилиги, гепатолиенал синдром, склерема, 
камқонлик, нафас олиш бузилишлари, экзантемалар, сариқлик. Шуни ѐдда 

---

231 
тутиш керакки, интранатал зарарланишда касалликнинг инкубацион даври 
анча узоқ вақтга чўзилиши мумкин. 
«Туғма инфекция» атамаси ҳомиланинг инфицирланиши бачадон 
ичида (антенатал) содир бўлгандаги клиник вазиятга мос келади ва бола 
туғилиш вақтига келиб юқумли касаллик белгилари бор бўлади. 
ҚОРИН ИЧИ ИНФЕКЦИЯЛАРИ ВА УЛАРНИНГ ШАКЛЛАРИ. 
Ҳомилага инфекцияланган онадан туғруқгача (антенатал) ѐки чақалоқ 
туғруқ каналидан ўтиш вақтида (интранатал) кирган қўзғатувчилар 
томонидан чақирилган юқумли касалликлар ва жараѐнлар қорин ичи 
инфекциялари (ҚИИ) ѐки «TORCH-инфекция (синдром)» – Toxoplasma 
(токсоплазма), Rubella (қизилча), Cytomegalovirus (цитомегаловирус), Herpes 
(герпес) деб аталади. «ТОРЧ инфекция (синдром)» атамасини А. Намиас 
(1971) туғма юқумли касалликларнинг Этиологияси аниқлангунга қадар 
уларни белгилаш учун киритган. Уларни янги туғилган чақалоқларнинг 
постнатал (госпитал) инфекцияларидан фарқлаш керак. Янги туғилган 
чақалоқларда TORCH-инфекциясининг кўринишлари бўлиб туғма юрак 
нуқсонлари, катаракта, хориоретинит, микрофталмия, микро– ѐки 
гидроцефалия, церебрал калцификац, тромбоцитопеник пурпура, сариқлик, 
гепатоспленомегалия ҳисобланади.