Ўзбeкистон рeспубликаси олий ва ўрта махсус таълим вазирлиги

Физиологик рефлекслар. 
Меъѐрда соғлом туғилган чақалоқларда янги туғилганлик даврида 
қуйидаги асосий рефлекслар чақирилади. 
Сўриш рефлекси
– бола лабларига тегилса у сўриш ҳаракатлари билан 
жавоб беради. 
Бабкиннинг кафт-оғиз рефлекси
– боланинг кафтига катта одам 
бармоғи қўйилса бола оғзини очади ва бошини бироз букади. 
Робинсоннинг кафт ушлаш рефлекси
– боланинг кафтига катта одам 
бармоғи қўйилса бола панжаси сиқилади (бармоқни маҳкам ўраб олади. 
Моро рефлекси
–боланинг қўллари икки томонга ѐзилиб, кейин уларни 
бирдан қўйиб юборганда ѐки бола ѐтган юзага урганда, боланинг қўллари 
тирсакларида ѐзилади ва ѐн томонларга узоқлашади (I босқич) ва сўнгра 
танани «қўчоқлайди» (II босқич) 
Таянч ва автоматик юриш рефлекси
– болани қўлтиқ остидан ушлаб 
олинади ва бошининг энса қисмини бармоқлар билан ушлаган ҳолда 
вертикал ҳолда жойлаштирилади. Бунда боланинг оѐқчалари дастлаб 
букилади, кейин оѐқларнинг ва тананинг тўғриланиши юз беради. Болани бир 
оз олдинга эгилтирилганда, у қадам қўйиш ҳаракатларини бажаради 
(автоматик юриш). 
Бауэрнинг эмаклаш рефлекси
– боланинг қорнидаги ҳолатида эгилган 
оѐқларига панжа қўйилади ва бола оѐқларини тўғрилаб эмаклашга тушади. 
Янги туғилган чақалоқнинг ҳимоя рефлекси
– қорин ҳолатида бола 
бошини ѐн томонга ўгиради. 
Галант рефлекси
– бармоқнинг штрихли ҳаракатлари билан умуртқа 
поғонасининг паравертебрал чизиғи бўйлаб юқоридан пастгача тери 
қитиқланади. Бола бунга жавобан танасини қтиқлашга қарама-қарши томонга 
букади. 
Перез рефлекси
– умуртқаларнинг ўткир ўсиқлари бўйлаб пастдан 
юқорига қараб бармоқ юритилганида бола оғриқли қичқириқ ва ўз-ўзидан 
юзага келадиган сийдик чиқиши ҳамда дефекация билан жавоб беради. 

---

23