¤збекистон республикаси олий ва ¤рта махсус таълим вазирлиги

Натижаларни қайта ишлаш.
Ҳар бир тўғри жавоб учун 0,5 балл берилади, боланинг тўплаши мумкин бўлган юқори баллар 10 га тенг бўлади.
Изоҳ. Боланинг мустақил фикр юритиб саволнинг моҳиятига мос келадиган жавоби кўрсатилган жавобда бўлмаса ҳам тўғри ҳисобланади.
Юқоридаги методика мактабга кираётган боланинг сўз-мантиқий фикр юритиш қобилиятини психологик ташхис қилиш учун қўлланилади. Бу методика юқорида айтилган ақлий, хулоса чиқара олиш қобилиятидан ташқари боланинг ақлий фикрлай олиш фаолияти тўғрисида ҳам озми-кўпми хулоса қилиш имконини беради.
Текширувчида бола жавобининг тўғрилигига ишонч ёки нотўғри деб хулоса чиқариш учун асос бўлмаса, у ҳолда бундай жавобга 0,5 балл берилади.
Боланинг жавобини тўғри ёки нотўғри деб баҳолашдан аввал бола саволни тўғри тушунганлигига ишонч ҳосил қилмоқ керак. Масалан: ҳамма болалар ҳам шлагбаум нималигини билавермайди ва 19 саволнинг маъносини англаб ета олмайдилар.
Баъзан «ишламоқ» сўзи ҳам қўшимча тушунтириш талаб қилади, чунки мактабгача тарбия ёшидаги болаларнинг ҳаммаси ҳам буни била олмайдилар.
Ривожланиш даражаси ҳақида хулоса:
10 балл - жуда юқори
8-9 балл - юқори
4-7 балл - ўртача
2-3 балл - қуйи
0-1 балл - жуда паст
9.2. «ТУШУНЧАНИНГ ШАКЛЛАНИШИ»
Методика материали геометрик шакллар - уч хил (қизил, сариқ, зангори) ёки бошқа аралаш рангдаги ва уч хил ўлчамдаги учбурчак, тўртбурчак, доирачалар каби гсометрик шакллардан иборат.
Бу шаклларнинг белгилари:
Шакли, ранги, катталиги - уч хил ҳарфлар орқали сунъий тушунча ҳосил қилинади, бу боланинг она тилида ҳеч қандай маънога эга эмас. Бу тажрибада қуйидаги сунъий тушунчалардан фойдаланилади:
Бир белгили тушунча:
Биг-юмалоқ; Каб-катта; Дав-учбурчак
Бос-тўртбурчак; Див-ўртача; Лаг-яшил;
Тум-кичкина; Нич-сариқ

2-расм. «Тушунчаларнинг шаклланиши» методикаси учун геометрик шакллар