¤збекистон республикаси олий ва ¤рта махсус таълим вазирлиги

Мавзуни мустаҳкамлаш учун саволлар:

1.Психодиагностика предмети.

2. Диагноз босқичлари.
3.Психодиагностиканинг назарий, амалий ва хусусий вазифалари.
4. Психодиагностиканинг фан сифатида вужудга келиши, ривожланиш тарихи.
II . ПСИХОДИАГНОСТИКАНИНГ КАСБИЙ-АХЛОКИЙ ЖИҲАТЛАРИ


2.1.ЭКСПЕРИМЕНТАТОР ШАХСИГА ҚЎЙИЛАДИГАН ТАЛАБЛАР

Психодиагностика – бу психологнинг касбий фаолиятидаги мураккаб ва жуда маъсулиятли соҳасидир. Мана шунинг учун ҳам психодиагностикага бир қатор ижтимоий-ахлоқий талаблар қўйилган ва булар қуйидагилардир:

1. 
   Психодиагностика сирларини сақлаш;
   
2. 
   Психодиагностик методикаларнинг илмий асосланганлиги;
   
3. 
   Синалувчига зиён етказмаслик;
   
4. 
   Хулосаларнинг объективлиги;
   
5. 
   Таклиф қилинган тавсияларнинг самарадорлиги.
   

Юқорида қайд қилиниб ўтилган талабларни, психодиагностиканинг тамойиллари сифатида ҳар бирини алоҳида кўриб чиқамиз.
Психодиагностиканинг сир сақлаш тамойили – синалувчининг рухсатисиз олинган натижаларни эълон қилмаслик, бу биринчи навбатда балоғат ёшига етган одамларга таалуқлидир. Агар синалувчилар балоғат ёшига етмаганлар бўлса ҳамда психодиагностик натижаларни эълон қилиш учун ота-оналарнинг ёки болалар учун маънавий ва ҳуқуқий маъсул бўлган шахслар рухсати бўлиши шарт. Фақат баъзи ҳолларда илмий мақсадда, яъни экспериментал тадқиқотнинг бир қисми сифатида эълон қилиш бундан истиснодир, аммо синалувчиларнинг аниқ исми, шарифларини баён қилиш тавсия қилинмайди.
Психодиагностик методикаларнинг илмий асосланганлик тамойилида методикага валидлик, ишончлилик талаби қўйилади, яъни олинган натижаларга тўлиқ ишонч имконини берсин.
Зиён етказмаслик тамойилида психологик ташхис натижаларини ҳеч қачон тадқиқотда қатнашган одамларга нисбатан зарар етказиш мақсадида фойдаланмаслик.
Хулосаларнинг объективлик тамойили тест ўтказаётган одамнинг субъектив установкаларга тобе бўлмаслиги, тест олинган натижаларидан келиб чиққан ҳолда илмий асосланган бўлиб валидли ва ишончли методика ёрдамида ўтказилган бўлиши шарт.