¤збекистон республикаси олий ва ¤рта махсус таълим вазирлиги

Психодиагностика фани психология тармоқларидан бири бўлиб, шахснинг индивидуал-психологик хусусиятларини, ақлий тараққиётини аниқлаб ўлчаш, яъни ҳисоблаб чиқарувчи методларини ўргатувчи фандир.
Психодиагностика – шахснинг индивидуал-психологик хусусиятлари фарқларини (аниқлаб ўлчашда) ҳар-хил методлар билан аниқлаб ўлчаса-да, кейинчалик проектив методлар, сўровномалар пайдо бўлиши жараёнига асос бўлиб қолди. Шу билан бирга психодиагностиканинг ривожланишида назарий жиҳатдан методикаларнинг камлиги кўриниб қолди. Психодиагностикага математик-статистик методлар ва корреляция ҳамда таҳлил қилиш, факторли анализ пайдо бўлиши ва такомиллашуви, психометрик тадқиқ қилиш амалий жиҳатидан жуда катта самара берди.
Фан ва техникада диагностиканинг жуда кўп турлари бор. Масалан: тиббиёт диагностикаси касалнинг келиб чиқишини ўрганади ва аниқлайди; техник диагностика – ҳар хил техника системалари, электрон ҳисоблаш машиналари, компьютерларнинг салбий хусусиятлари аниқланиб, уларни бартараф қилишни ўргатади; спорт диагностикаси – жисмоний жараёнларнинг ўзгариш ҳолатларини ўрганади ва аниқлайди; психологик диагностика – шахс ёки гуруҳларнинг психик хусусиятлари, ҳолатлари ва тараққиёт кўрсаткичларини аниқлаб, сифатли ва микдорий жиҳатдан ўлчаб беради.
Тест – шахснинг ақлий тараққиётини, қобилиятини, иродавий сифатларини ва бошқа психик хусусиятларини текширишда қўлланиладиган қисқа стандарт масалалар.
Тестлаштириш – психодиагностика методларидан бири бўлиб, стандартлаштирилган савол ва топшириқлар ёрдамида индивидуал фарқларни ўрганиш алоҳида шкалалар билан ўлчаш.
Етуклик тестлари психодиагностика методларидан бири бўлиб, конкрет билим, малака ва кўникмаларнинг ўзлаштириш даражасини аниқлаб беради. Етуклик тести 3га бўлинади: ҳаракат тестлари, оғзаки ва ёзма тестлар. Ҳаракат тестлари механизмлар, материаллар асбоблар билан ишлаш лаёқатини аниқлаб беради.
Интеллектуал тестлар – психодиагностика методларидан бири бўлиб, индивиднинг ақлий тараққиёти даражасини аниқлаб беради.