Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Нав хусусиятлари: Республикамизда тарвузнинг 17 та нав ва дурагайлари туманлаштирилган бўлиб, улардан 11 таси истиқболлидир. Тарвуз нав ва дурагайлари ўзаро бир қанча морфологик ва хўжалик белгилари билан бир-биридан фарқ қилади:

• 
  палагининг узунлиги: узун (асосий палаги 2 м дан узун), ўртача (1,2-2 м), калта (1,2 м дан калта) бўлади;
  
• 
  баргининг ўлчами (барг банди ўлчамидан ташқари): йирик (18 см дан ортиқ), ўртача (13-18 см), майда (13 см дан кичик) бўлади;
  
• 
  баргининг тузилиши: жуда ингичка (барг бўлаклари орасига шундай бўлаклардан яна иккитаси жойлашиши мумкин), ингичка (битта бўлакча сиғади), ўртача (бир-бирига зўрға тегиб туради), барг пластинкаси қирқилмаган;
  
• 
  мевасининг катталиги: юмалоқ ва элипссимон навларда – йирик (мева-си 22 см дан узун), ўрта (18-22 см), майда (18 см дан кичик); цлиндр-симон навларда – йирик (35 см дан узун), ўрта (30-35 см), майда (30 см дан кичик) бўлади;
  
• 
  мевасининг шакли: япалоқ – индекс 1 дан кичик; юмалоқ – индекс 1; тўмтоқ-элипссимон – индекс 1,1-1,25; тухумсимон (меванинг уч томони озгина чўзилган, мева банд томони тўмтоқ), ноксимон (меванинг учи тўмтоқ, мева банд томонига озгина чўзилган), цлиндрсимон (бир оз чўзинчоқ) – индекси 1,3 дан юқори. Япалоқ, тухумсимон ва ноксимон шаклдаги мевалар кам учрайди;
  
• 
  мевасининг шакли: силлиқ, оз сегментланган (мева узунаси бўйлаб тилим-тилим), нотекис, бир оз ғадир-будир, томирсимон бўртган бўлади;
  
• 
  мева пўстининг ранги: оқ, оч яшил, сариқ яшил, зарғалдоқ, тўқ яшил;
  
•