Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Нав хусусиятлари: мамлакатимизда етиштириладиган қовоқ навлари 141 та бўлиб (жумладан, мускат қовоқнинг 57 та, йирик мевали қовоқнинг 45 ва қаттиқ пўстли қовоқнинг 38 та навлари мавжуд), улардан фақат 6 та нав туманлаштирилган. Қовоқ навлари ўзаро бир қанча морфологик ва хўжалик белгилари билан бир-биридан фарқ қилади:

• 
  палагининг узунлиги: узун (асосий палагининг узунлиги 3 м дан ортиқ), ўртача (1,0-1,5 м), калта (1,4 дан кам) бўлади;
  
• 
  барг пластинкасининг шакли: юмалоқ, буйраксимон, юраксимон, учбурчак, бешбурчак бўлади;
  
• 
  барг пластинкасининг ўлчами: катта (барг банди билан ҳисоблаганда 20 см дан катта бўлса), ўрта (12-20 см), кичик (12 см дан кичик бўлганда) бўлади;
  
• 
  барг банди: узун (25 см дан ортиқ), ўрта (12-20 см мускат қовоқларда) ва 18-25 см (бошқа қовоқ навларида) бўлади;
  
• 
  мевасининг шакли: япалоқ, юмалоқ, эллипссимон, тухумсимон, салласимон, овалсимон, ноксимон, цилиндрсимон, бўйиндаги энг тор жойи узун ёки қисқа бўлади;
  
• 
  мевасининг катталиги (энг калта диаметри бўйича): юмалоқ шаклларда – йирик (35 см дан ортиқ), ўрта (20-35 см), майда (20 см дан кичик, қаттиқ пўстли қовоқларда 25 см дан кичик); чўзинчоқ шаклларда – йирик (40 см, мускат қовоқларда 50 см дан ортиқ), ўрта (30-40 см) ва майда (30 см гача мускат қовоқларда 40 см гача) бўлади;
  
• 
  мевасининг юзаси: силлиқ, сегментларга бўлинган (чуқур, юза, ўртача, сегменти 10-15 та), жуфт сегментланган (сегментлар сони 16-20 та), бўртган, сўгалли, ғадир-будир, буришган (кучли, ўртача, кучсиз), қовурғали бўлади;
  
•