Ўзбекистон республикаси олий ва ўрта махсус таълим вазирлиги урганч давлат университети

15-Мавзу: Бошқарувчанлик фаолиятида вақтдан унумли фойдаланиш шартлари
Режа:
1.Бошқарув масалаларида шахснинг мотивлари, иш олиб бориш усулларини, ёндашишларини инобатга олиш.
2. Бошқарувчининг турли фазилатларни билишнинг зарурати.
3. Бошқарув фаолиятида унинг интеллектуал салоҳиятидан фойдаланиш.
4. Бошқарувда бошлиқ вақтини инобатга олишнинг зарурлиги
Мавзунинг қисқача баёни: Иш жараёнида аксарият ҳолдаги муваффақиятлар бирон ишни тўғри бажариш эвазига эмас, балки шу ишни ўз вақтида бажариш оқибатида эришилади. Шунинг учун вақтдан рационал фойдаланиш – касбий ва иш соҳаларидаги муваффақиятнинг асосий омилидир.

Аҳамиятли ва тезда бажарилиши лозим бўлган вазифалар	Аҳамиятли ва тезда бажарилиши шарт бўлмаган вазифалар
Кундалик ишлаб чиқаришда юзага келадиган муаммолар бўлиб, улар тезда ҳал этилиши лозим. Бу масалалар тезда ҳал этилмаса ишлаб чиқариш жараёни тўхтаб қолади.	Ташкилотнинг истиқболдаги режаларини белгилаш. Стратегик режалаштириш. Ташкилотнинг 5-10 ва ҳатто 15 йилдан кейинги ҳолати ва бунга ҳозирги кунда қандай қилиб тайёрланиш керак. Янги, харидорталаб маҳсулотлар яратиш устида бош қотириш
Аҳамиятсиз, лекин дарҳол ҳал этиладиган вазифалар	Аҳамиятсиз ва бажарилиши лозим бўлмаган вазифалар
Хат жўнатиш, телефонга жавоб бериш, факс қабул қилиб олиш ва х.к.	Гаплашиб ўтириш, чекиш, иш пайтида турли ўйинларга вақт ажратиш

Чет эл бизнес бошқарувига оид адабиётларда кўрсатилишича истиқболдаги мақсадларга йўналганлик ташкилотнинг турли бўғин раҳбарларида қуйидагича тақсимланиши лозим экан: масалан, корпорация бошқаруви раиси 20 йил олдинга қараб ташкилот ишини режалаштирса, бошқарув аъзолари 12-15 йиллик истиқболни кўра олишлари керак ва бирон соҳа йўналишидаги раҳбар, яъни менежерлар эса 7 йиллик истиқболни прогноз қилишлари лозим.Социологик тадқиқотлар натижаларига кўра менежернинг иш вақти тақсимоти қуйидаги тартибга тўғри келар экан:

• 
  Ишдаги одатий ва кунда қайтарилиб турадиган муаммоларни ечишга 80% вақт кетади ва бу сарфаланган вақт 20% муваффақиятни келтиради.
  
• 
  Муҳим ва стратегик муаммоларни ҳал этишга 20% вақт кетади, лекин бу меҳнат эвазига корхонанинг 80% муваффақиятига эришилади.