Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Монополистик рақобат— табақалаштирилган маҳсулот ишлаб чиқарувчи кўплаб майда фирмалардан иборат бозор тузилмаси.
Монополия — иқтисодиётнинг бирон-бир соҳасида яккаҳукмронлик. Моно­полия ишлаб чиқариш воситалари, иш кучи ва яратилган маҳсулотлар асосий қисмининг санокли корхоналар, тадбиркор шахслар ёки давлат қўлида тўқнашиши натижасида пайдо бўлади. Монополия — бозорда устун мавқени эгаллаб олган корхона ёки корхоналар гуруҳи, бу ҳол унга нархларни назорат қилиш ва белгилаш имконини беради.
Монопсония — бозорда бирор-бир аниқ турдаги товар ёки хизматларнинг ягона харидори.
Муддатли операциялар бўйича айирбошлаш курси— келгусида амалга ошириладиган битимлар учун фойдаланиладиган валюталарнинг айирбошлаш курси.
Муқoбил сaвдo – экспoрт-импoрт ҳaрaкaтлaридa мувoзaнaтни тaъминлaш учун тoвaрлaр xaридини улaр суммaсигa тенг миқдoрдaги тoвaрлaр еткaзиб бериш билaн қўшиб бoриш келишувлaри.
Мукаммал рақобат — ҳар бири маҳсулот нархига таъсир кўрсата олмайдиган маҳсулот сотувчилари ва харидорлари кўп бўлган, бозорга кириш учун ташкилий, иқтисодий ва маъмурий тўсиклар бўлмаган бозор.
Муқобил чиқимлар — бошқа товарни олиш имкониятига эга бўлиш учун қурбон қилиш зарур бўлган бир товарнинг миқдори.
Мулкчилик — кишилар ўртасида ишлаб чиқариш восита­лари ва меҳнат маҳсулини ўзлаштириш юзасидан пайдо бўлган ва тарихан аниқ бир шаклда намоён бўлувчи иқтисодий муносабатлар. Мулк объекти инсон яратган моддий ва маданий бойликлар, табиат бойликлари, интеллектуал меҳнат маҳсули ва инсоннинг меҳнат қобилияти (иш кучи) ҳисобланади. Бозор иқтисодиёти мулкчилик шаклларининг хилма-хил бўлишини талаб килади. Мулкчилик бозор муносабатининг бирламчи асоси, лекин унинг ўзи бозорсиз юзага чикмайди. Ўзбекистоннинг бозор иқтисодиётига ўтиш жараёнида мулк­чилик шакллари кўпайди, хусусий мулк, жамоа мулки ва давлат мулкидан иборат бўлди. Мазкур мулк шакллари, ўз навбатида, бир неча мулк турларига бўлинади. Мулк давлат­нинг қонун ҳужжатларида юридик қайд этилиб, мулк ҳақидаги қонунлар асосида тартибга солинади.