Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Асосий таянч тушунчалар
Бож – бу товарларни давлатнинг божхона ҳудудига олиб кирилганда ёки товарларни божхона ҳудудидан олиб чиқилганда божхона органлари томонидан ундириладиган мажбурий бадалдир.


Божхона сиёсати - бу божхона иши сохасида рўй бераётган ўзгаришларни босқичма-босқич амалга оширишга ёрдам берувчи ва давлатнинг иқтисодий (ички ва ташқи) манфаатларини ҳимоя қилишга хизмат қилувчи қонунчилик, ижрочилик ва назорат қилиш ҳарактеридаги чора-тадбирлар тизимидир.


Ташқи савдо операцияси – турли мамлакатлар вакили бўлган ташқи иқтисодий алоқалар иштирокчиларининг савдо айирбошлашини амалга ошириш мақсадини кўзлаган ҳаракатларни мажмуидир.


Божхона брокери — ташқи иқтисодий битимларда воситачидир.


Божхона ташувчиси — Ўзбекистон Республикаси қонунларига мувофиқ ташкил этилган, юридик шахс ҳуқуқларига эга ва божхона ташувчиси сифатида фаолиятни амалга ошириш учун Ўзбекистон Республикаси ДБҚ (Давлат Божхона Қўмитаси) лицензиясини олган тижорат ташкилоти (корхонаси)дир.
Тaкрoрлaш вa мунoзaрa учун сaвoллaр
1.Божхона божи нима ?
2.Ўзбекистон Республикасида божхона ишини вужудга келиш тарихи ҳақида гапиринг ?
3.ТИФ да божхона сиёсатининг тутган ўрни ?
4.ТИФ ни тартибга солиш бўйича божхона тадбирлари ?
5. Ташқи савдо oперaциялaридa бoжxoнa брокери ва ташувчини фаолияти ?
Глoссaрий


Авизо — ўзаро ҳисоб-китоблар ҳолатидаги ўзгаришлар тўғрисида бир контрагентнинг иккинчи контрагентга жўнатадиган хабари, шу жумладан, унинг ҳисобварағига ўтказмалар келиб тушгани ҳақида, аккредитив очилиши ва ҳоказолар тўғрисида банк томонидан мижозга юбориладиган хабарнома.
Автаркия — мамлакатнинг жаҳон бозоридан ихтиёрий ёки мажбурий тарзда маҳдудланиш сиёсати, давлатнинг хўжалик жиҳатидан алоҳида яшаши. Олиб кириладиган товарларга юқори чеклаш божларининг белгиланиши, бошқа мамлакатлар билан иқтисодий ва савдо алоқаларини ривожлантаришга тўсқинлик қилувчи шарт-шароитларни яратиш автаркиянинг асосий воситалари ҳисобланади.