Ўзбекистон республикаси олий ва ўрта махсус таълим вазирлиги «тошкент ирригация ва қишлоқ ХЎжалигини механизациялаш муҳандислари институти»

II БОБ	ЎЗБЕКИСТОНДА МЕВА - САБЗАВОТЧЛИКНИ РИВОЖЛАНТИРИШ ТЕНДЕНЦИЯЛАРИ ВА ИСТИҚБОЛЛАРИ
2.1.	Ўзбекистонда мева-сабзавотчилик кластерлари фаолиятининг ҳозирги ҳолати....................................................
2.2.	Ўзбекистонда мева-сабзавотчилик кластерлари маркетинг фаолияти таҳлили.........................................................................
	Иккинчи боб бўйича хулосалар
III БОБ	ОТМДА ДАВЛАТ ХУСУСИЙ ШЕРИКЧИЛИГИ АСОСИДА ТАЪЛИМ ХИЗМАТЛАРИ КЎРСАТИШ САМАРАДОРЛИГИНИ ОШИРИШ ИСТИҚБОЛЛАРИ
	3.2. Ўзбекистонда таълим тизимини ривожлантиришда давлат хусусий шерикчилигининг роли
	3.3. “ТИҚХММИ” МТУда Давлат хусусий шерикчилиги асосида таълим хизматлари кўрсатиш самарадорлигини ошириш истиқболлари
	III-боб бўйича хулоса
	Хулоса ва таклифлар
	ФОЙДАЛАНИЛГАН АДАБИЁТЛАР РЎЙХАТИ

КИРИШ

Маълумки, мамлакатимиздаги мавжуд табий-иқлим шароити қишлоқ хўжалиги маҳсулотларини, хусусан, мева-сабзавотчиликни барқарор ривожлантириш имконини беради. Ўзбекистон Республикаси Президенти ва ҳукумати томонидан соҳани бозор муносабатларига ўтиш жараёнида мева-сабзавотчиликни ривожлантиришга устувор йўналишлар сифатида катта эътибор қаратилмоқда. Зеро, мева-сабзавотчилик маҳсулотларини ташқи бозорларда сотиш ҳисобига мамлакат валюта тушумининг сезиларли қисми шаклланаётганлиги ҳам соҳани тубдан ислоҳ қилиш ва жадал ривожлантиришнинг устуворлигидан далолат беради.

Ўзбекистонда мева-сабзавот маҳсулотлари савдо-логистика, сотиш ва сақлаш каби жараёнларни мувоқлаштириш, бизнес юритишда самарали маркетинг стратегияларидан фойдаланиш асосида иқтисодий ўсишга эришишга қаратилган йўналишларга алоҳида эътибор берилмоқда. 2017-2021 йилларда Ўзбекистон Республикасини янада ривожлантириш бўйича Ҳаракатлар стратегиясида «қишлоқ хўжалиги маҳсулотларини сақлаш, ташиш ва сотиш, агрокимё, молиявий ва бошқа замонавий бозор хизматлари кўрсатиш инфратузилмасини янада кенгайтириш»[5], шунингдек, Ўзбекистон Республикаси Президентининг 2019 йил 10 октябрдаги “Ўзбекистон Республикаси Қишлоқ хўжалигини ривожлантиришнинг 2020 — 2030 йилларга мўлжалланган стратегиясини тасдиқлаш тўғрисида”ги фармонида [6] “янги мақсадли экспорт бозорларида савдо келишувчларини амалга ошириш”, “маҳаллий ва мақсадли халқаро бозорларда маҳсулотларнинг маркетинги ва ташиш харажатларини камайтириш” каби вазифалар белгиланган. Мазкур вазифаларнинг самарали ижроси мева-сабзавот маҳсулотлари бозорининг савдо маркетинг тизимини ишлаб чиқиш, мева-сабзавот маҳсулотлари етиштирувчи ва уни улгуржи ва чакана сатувчиларнинг ўзаро мутаносиб фаолиятини таъминлаш механизмларини такомиллаштириш, ўзаро муносабатлар маркетинги ҳамда ўзаро муносабатлар асосида истеъмол қийматини яратишнинг маркетинг стратегияларидан фойдаланишни тақозо этади. Сўнгги йилларда замонавий турдаги кластерларни шакллантириш бўйича мамлакатимизда кенг қамровли чора-тадбирлар амалга оширилмоқда. Хусусан, Ўзбекистон Республикаси Президентининг 2022 йил 28 январдаги «2022-2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармонида, 2022 йил 21 декабрдаги Олий Мажлис ва Ўзбекистон халқига Мурожаатномасида аграр соҳада илм-фан ва амалиёт интеграциясини чуқурлаштириш, қишлоқ хўжалигида кластерлар фаолиятини такомиллаштириш аграр секторда амалга оширилаётган иқтисодий ислоҳотларнинг устувор йўналишлари сифатида белгиланган.