Ўзбекистон республикаси олий ва ўрта махсус таълим вазирлиги тошкент давлат иқтисодиёт

Жиддий чалкашлик
– фактлардаги жиддий зиддиятга қараганда 
бошқача тавсифдаги чалкашлик бўлиб, аудиторнинг фикрича у аҳамиятли 
ҳисобланади. 
Бошқа маълумот манбалари
. Бошқа маълумотга қуйидагилар кириши 
мумкин: 
Ижроия орган раиси ёки иш бошқарувчисининг хати; 
Молиявий ҳисоботлар ва ички назорат учун унинг масъуллиги хусусида 
маъмуриятнинг баёноти; 
Асосий молиявий кўрсаткичлар; 
Қуйидагиларнинг молиявий шарҳи: 
а) капитал қўйилмалар; 
б) техник хизмат кўрсатиш ва капитал таъмирлаш, рекламага, 
шунингдек, тадқиқот ва ишланмаларга доир фойдаланиш харажатлари; 
Тушунтириш ёзувлари; 
Молиявий маълумотларни очиб бериш учун тушунтиришлар билан 
биргаликда бериладиган чизмалар, жадвал ва графиклар. 
11.1.2. Бошқа маълумотларни ўқиш ва қўшимча тадбирлар
Бошқа маълумотлар ва текширилган молиявий ҳисоботларни ўз ичига 
олган ҳужжатни аудитор томонидан ўқиб чиқилиши керак. 
Ҳужжатни ўқиётган аудитор хўжалик юритувчи субъектнинг фаолияти 
ва молиявий аҳволини яхши билиши, аудит пайтида аниқланган 
муаммолардан хабардор бўлиши шарт. 
Аудитор бошқа маълумотларни текширилган молия ҳисоботлар билан 
таққослашдан ташқари, рақамли маълумотларни қайта санайди ва уларни иш 
қоғозларидаги рақамлар билан солиштиради. 
Агар бошқа маълумотлар молиявий ҳисоботларга киритилган 
маълумотларни ўз ичига олса, бундай маълумотлар текширилган молиявий 
ҳисоботлардаги маълумотлар билан таққосланиши керак. 
Бошқа маълумотларда келтирилган барча кўрсаткичлар текширилган 
молиявий ҳисоботлар асосида қайтадан санаб чиқилади. Янгидан санаб 

---

194 
чиқилган маълумотлар бошқа маълумотлардан олинган кўрсаткичлар билан 
таққосланиши керак. 
Бошқа маълумотлар молиявий ҳисоботларнинг, масалан, сотилган 
маҳсулот таннархи, савдо чиқимлари ва умумий бошқарув харажатлари 
тўғрисидаги маълумотларини тасдиқлайдиган тушунтириш ёзувларини ўз 
ичига олиши мумкин. Ана шу тушунтириш ёзувларининг айрим қисмлари 
аудитор иш қоғозларидаги кенгайтирилган қоралама баланс маълумотлари 
билан таққосланади.