Ўзбекистон республикаси олий ва ўрта махсус таълим вазирлиги тошкент давлат иқтисодиёт

 
 

---

189 
10.2.3. Эксперт иши натижаларидан фойдаланиш 
Эксперт иши натижалари аудиторлик ташкилоти томонидан 
қуйидагиларга нисбатан кўриб чиқилиши керак: 
Эксперт хулосасига асосланадиган ахборотлар. 
Эксперт ўз хулосасини тайёрлашда фойдаланилган таҳминлар ва 
усуллар, шу жумладан, уларнинг олдинги даврларда фойдаланилган 
таҳминлар ва усулларга мувофиқлиги. 
Ўтказилган аудитнинг умумий натижалари. 
Агар аудиторлик ташкилоти томонидан эксперт ишининг натижаларини 
кўриб чиқиш чоғида эксперт хулосаси билан хўжалик юритувчи субъект 
ахбороти (ҳужжатлари) ўртасида жиддий номувофиқликлар аниқланса, ёки 
аудиторлик ташкилоти эксперт иши натижаларини асосланмаган деб 
ҳисобласа, аудиторлик ташкилоти эксперт хулосасининг асосланганлигини 
текширишни таъминлайдиган қўшимча аудиторлик амалларини бажариши 
ёки бошқа экспертни тайинлаши керак. 
Эксперт хулосаси аудиторлик ташкилотининг иш ҳужжатларига 
киритилиши керак. 
Агар истисно тариқасида эксперт оғзаки тушунтиришлар берса, бундай 
тушунтиришларни аудиторлик ташкилоти ўзининг иш ҳужжатларида акс 
эттириши шарт. 
Аудиторлик хулосасида аудитни ўтказишда аудиторлик ташкилоти 
эксперт иши ва эксперт хулосасидан фойдалангани тўғрисида маълумотлар 
бўлмаслиги шарт. 
Эксперт хулосасини олиш имкони бўлмаган, бирор-бир текширилган 
ҳолатларни баҳолашда экспертнинг ўзига жиддий ишончсизлиги, шунингдек 
хўжалик юритувчи субъект билан эксперт ёки аудиторлик ташкилоти билан 
эксперт ўртасида ҳал этилмаган келишмовчиликлар мавжуд бўлган ҳолларда 
аудиторлик ташкилоти ўтказилган аудит натижалари бўйича, ижобий 
хулосадан фарқ қиладиган аудиторлик хулосасини тайёрлаш масаласини 
кўриб чиқиши мумкин. 

---

190 
Аудит ўтказиш чоғида эксперт ишидан фойдаланиш, шу жумладан, 
бундай ишда аудиторлик хулосасига ҳавола этиш аудиторлик хулосасини 
тайёрлаган аудиторлик ташкилоти зиммасидан хулоса учун жавобгарликни 
соқит қилмайди.