Ўзбекистон республикаси олий ва ўрта махсус таълим вазирлиги тошкент давлат иқтисодиёт

Амал қилиш соҳаси. 
Расмий аудиторлик хулосасини тайёрлашни 
назарда тутадиган аудитни амалга ошириш пайтида мазкур стандарт 
талаблари барча аудиторлик ташкилотлари учун мажбурий талаблар 
ҳисобланади, улар тавсия тусидалиги очиқ-ойдин кўрсатилган қоидалари 
бундан мустасно.
 
Мазкур стандарт талаблари унинг натижалари бўйича расмий 
аудиторлик хулосаси тайёрлашни назарда тутмайдиган аудит ўтказилишида, 
шунингдек профессионал хизматлар (консалтинг хизматлари) пайтида тавсия 
тусида бўлади. Аниқ топшириқни бажариш пайтида мазкур стандартнинг 
мажбурий талабларидан четга чиқилган тақдирда аудиторлик ташкилоти 
буни ўзининг иш ҳужжатларида ва аудит ёки профессионал хизматларни 
буюртирган хўжалик юритувчи субъектнинг раҳбариятига ёзма ҳисоботда 
мажбурий тартибда қайд этиши керак. 

---

88 
Муҳимлик тушунчаси. 
Хўжалик юритувчи субъект молиявий 
ҳисоботининг ишончлилигига сезиларли даражада таъсир кўрсатадиган 
ҳолатлар аудитда муҳим деб эътироф этилади.
 
Барча жиддий муносабатларда молиявий ҳисоботнинг ишончлилиги 
деганда молиявий ҳисобот кўрсаткичлари аниқлигининг шундай даражаси 
тушуниладики, бунда ушбу ҳисоботнинг малакали фойдаланувчиси унинг 
асосида тўғри хулосалар чиқариш ва тўғри қарорлар қабул қилишга қодир 
бўлади. Ахборотнинг жиддийлиги унинг хусусияти бўлиб, уни ана шундай 
ахборотдан оқилона фойдаланувчининг қарорларига таъсир кўрсатишга 
қодир қилади. 
Жиддийлик даражаси деганда молиявий ҳисоботдаги хатонинг ушбу 
ҳисоботдан малакали фойдаланувчи унга асосан тўғри хулосалар чиқариши 
ва тўғри қарорлар қабул қилишига монелик қиладиган чегараси тушунилади. 
Жиддийлик даражасининг мутлоқ қийматини аниқлашда аудитор аудит 
қилинадиган хўжалик юритувчи субъект ҳисоботининг ишончлилигини 
тавсифлайдиган, кейинчалик молиявий ҳисоботнинг асосий кўрсаткичлари 
деб номланадиган, энг муҳим кўрсаткичларни асос сифатида қабул қилиши 
керак. Аудитор аудиторлик амалларининг табиати, вақти ва теранлигини 
белгилаш; бузилишлар таъсирини баҳолаш пайтида жиддийликни кўриб 
чиқиши керак.