Ўзбекистон республикаси олий ва ўрта махсус таълим вазирлиги тошкент давлат иқтисодиёт

Молиявий ҳисобот тузилган санадан кейинги ҳодисалар
(Subsequent 
event)
– молиявий ҳисоботлар тузилгач, аммо аудиторлик текшируви 
якунланиб, аудиторлик хулосаси тузилгунга қадар юзага келган 
маълумотлар.
 

---

217 
13-БОБ. АУДИТОРЛИК ҲИСОБОТИ, МОЛИЯВИЙ ҲИСОБОТ 
ТЎҒРИСИДА АУДИТОРЛИК ХУЛОСАСИ. МАХСУС 
САВОЛЛАРНИ ТЕКШИРИШ НАТИЖАЛАРИ БЎЙИЧА 
АУДИТОРЛИК ҲИСОБОТИ 
13.1. Аудиторлик ҳисоботи, молиявий ҳисобот тўғрисида 
аудиторлик хулосаси 
 
13.1.1 Стандартнинг мақсади ва вазифалари, амал қилиш соҳаси
 
70-сонли АФМС нинг мақсади аудиторлик ташкилоти томонидан 
ўтказилган аудиторлик текшируви натижалари бўйича аудиторлик ҳисоботи 
ва аудиторлик хулосасини тузишнинг ягона тартибини жорий этиш 
ҳисобланади. 
Мазкур стандарт талаблари аудиторлик текширувини ўтказиш ва 
хўжалик юритувчи субъектга аудиторлик ҳисоботи ҳамда аудиторлик 
хулосасини тақдим этиш пайтида барча аудиторлик ташкилотлари учун 
мажбурий ҳисобланади. 
Асосий тушунчалар. 
Аудиторлик ҳисоботи - хўжалик юритувчи 
субъект раҳбари, мулкдори, иштирокчилари (акциядорлари) умумий 
йиғилишига тақдим этиладиган, аудиторлик текширувининг бориши, 
бухгалтерия ҳисобини юритишнинг белгиланган тартибидан аниқланган 
четга чиқишлар, молиявий ҳисоботдаги қоида бузарликлар тўғрисида 
батафсил маълумотлар, шунингдек, аудиторлик текширувини ўтказиш 
натижасида олинган ва аудиторлик хулосасини тузиш учун асос 
ҳисобланадиган бошқа ахборотлардан иборат бўлган ҳужжат.
 
Аудиторлик хулосаси - молиявий ҳисоботнинг ҳаққонийлиги 
(тўғрилиги) ва бухгалтерия ҳисобини юритиш тартибининг қонун 
ҳужжатлари билан белгиланган талабларга мувофиқлиги тўғрисида 
аудиторлик ташкилотининг фикри ёзма шаклда ифодаланган ва хўжалик 
юритувчи субъектнинг молиявий ҳисоботидан фойдаланувчилар учун очиқ 
бўлган ҳужжат.