Ўзбекистон республикаси олий ва ўрта махсус таълим вазирлиги тошкент давлат иқтисодиёт

12.2.3. Аудиторлик хулосаси имзоланган санадан кейин, бироқ 
молиявий ҳисобот эълон қилинадиган санага қадар юз берган ҳодисалар
Аудиторлик ташкилоти молиявий ҳисобот тўғрисидаги аудиторлик 
хулосасини имзоланган санадан кейин юз берган ҳодисалар учун жавобгар 
бўлмайди. Бунда хўжалик юритувчи субъект раҳбарияти аудиторлик 
хулосаси имзоланган санадан кейин, бироқ молиявий ҳисобот эълон 
қилинадиган санага қадар юз берган, молиявий ҳисоботга таъсир кўрсатиши 
мумкин бўлган ҳодисалар ҳақида аудиторлик ташкилотига хабар берилиши 
учун жавобгар бўлади. 
Агар аудиторлик ташкилоти аудиторлик хулосаси имзоланган санадан 
кейинги даврда, бироқ молиявий ҳисобот эълон қилинадиган санага қадар юз 
берган ҳодисалар ҳақида хабар топса, у молиявий ҳисобот ва аудиторлик 
хулосасига тузатиш киритиш кераклигини аниқлаши, юзага келган 
муаммоларни хўжалик юритувчи субъект раҳбарияти билан муҳокама 
қилиши, ҳамда бундай ҳодисалар молиявий ҳисоботга жиддий таъсир 
кўрсатадиган ҳолатларда мазкур ҳисоботга тегишли ўзгартиришлар 
киритишни талаб қилиши лозим. 
Агар хўжалик юритувчи субъект раҳбарияти молиявий ҳисоботга 
ўзгартириш киритган бўлса, илгари тайёрланган аудиторлик хулосасига 
қилинган ҳаволани ўз ичига олган янги аудиторлик хулосасини тайёрлаши 
лозим. Бунда янги хулосага ўзгартирилган молиявий ҳисобот тузилган 
санадан олдинги сана қўйилмаслиги керак. 
Агар хўжалик юритувчи субъект раҳбарияти аудиторлик ташкилоти 
талаб қилаётган ва жиддий тусдаги тузатишлар киритилишини зарур деб 
топмаса, аудиторлик ташкилоти хўжалик юритувчи субъектни мазкур далил 
ҳақида ёзма равишда хабардор қилиши, ўзгартиришлар киритилмаган 
тақдирдаги оқибатлар учун жавобгарликни хўжалик юритувчи субъект 
раҳбариятига юклаши ҳамда салбий аудиторлик хулосаси тузиши керак. 
Агар аудиторлик хулосаси хўжалик юритувчи субъект(буюртмачи)га 
берилган бўлса, аудиторлик ташкилоти буюртмачини ва (ёки) хўжалик 
юритувчи субъект раҳбариятини субъект молиявий ҳисоботни ва унга доир 

---

213 
аудиторлик хулосасини учинчи шахсларга тақдим этмаслиги ҳақида ёзма 
равишда хабардор қилиши лозим. 
Агар молиявий ҳисобот учинчи шахсларга берилган бўлса, аудитор 
мазкур учинчи шахслар аудиторлик хулосасига таянмаслиги учун чора 
кўриши керак.