Ўзбекистон республикaси олий ва ўрта махсус таълим вазирлиги тошкент давлат иқтисодиёт университети

 
 
 
1.3. РЕСТОРАННИНГ ИШЛАБ ЧИҚАРИШ БИНОСИ, 
УНИНГ ЖИҲОЗЛАНИШИ 
Ресторан залларида мижозлар учун қулайликлар яратиш 
мақсадида архитектура-конструктив манзарали элементлар, мебель ва
бошқа жихозлар ўрнатиш учун майдонлар барпо этилади. 
Ресторанларда мебелларнинг асосий турлари: икки, тўрт, олти киши 
сиғадиган столлар (тўғри бурчакли, квадрат, думалоқ ва бошқа 
шаклда); ресторан юмшоқ мебеллари официантлар учун сервантлар, 
гулдонлар, хизмат учун столлар ва ҳоказо. 
Люкс тоифадаги ресторанлар учун ошхона идиш-товоқлари, 
кошик, санчқи ва пичоқлар махсус буюртма бўйича тайёрланади 
(зангламайдиган пўлатдан, олий даражадаги чинни, шишадан энг яхши 
ишлов берилиб тайёрланади). Ошхона ва хизмат хусусиятлари хисобга 
олинган холда идиш-товоқлар танланади. Чиннидан ясалган хар бир 
буюмда уни ишлаб чиқарувчининг тамғаси бўлиши шарт. Банкетларда, 
қабул тантаналарида чиннидан ва биллурдан ишланган буюмлардан 
фойдаланилади. 
Ошхоналарда фойдаланиладиган матодан қилинган буюмлар – 
сочиқлар, дастурхон, салфеткалар, қўл сочиқлари зал хусусиятига қараб 
буюртма билан тайёрланади. Бу буюмларнинг хар бирида ресторан 
тамғаси бўлиши шарт. Столларга дастурхонар бир янги меҳмон учун 
янги ёзилади. 
Биринчи тоифадаги ресторанларда металлдан ясалган идиш-
товоқлардан фойдаланилади, ошхона идишлари зангламайдиган 

---

20 
пўлатдан, чиннидан ясалади. Дастурхон ва салфетка, қўл сочиқлар оқ ва 
рангли матодан бўлиши мумкин. 
Люкс тоифадаги ресторанларда албатта қуйидаги қўшимча 
хизматлар бўлиши шарт: байрам таомлари тайёрлаш ва хизмат 
уюштириш, уйга таом олиб бориб бериш, таом ва бошқаларга 
буюртмалар қабул қилиш, маълум муддатга жойни банд қилиб қўйиш, 
мижоз илтимосига кўра такси чақириб бериш, гул ва совғалар сотиш. 
Олий тоифа ресторанида банкет зали, бар, коктейль-холл бўлади. 
Бинолар ичи чиройли безатилган бўлиши, ресторанлар талабига жавоб 
бериши керак. 
Люкс ва олий тоифадаги ресторан таомномаcи босмахонада чоп 
этилиши зарур. Бу ресторанларда хорижий меҳмонларга хизмат 
қилинадиган бўлса, таомнома уч тилда: инглиз, француз, немис 
тилларида босилади. Таомноманинг фирмали жилди, реклама 
афишалари, буклетлар, варақалар, табрик ва таклиф қоғозлар ва бошқа 
нашр рекламалари зич, қалин қогозлар ёки ялтироқ ишлов берилган 
картондан тайёрланади. Таомноманинг жилдида ресторан номи ва 
тамғасидан ташқари рестораннинг мавзу йўналишини ифодаловчи расм 
ҳам бўлади. 
Люкс ва олий тоифадаги ресторанларда оркестр чиқишига 
мўлжалланган жой бўлади. Ансамбллар, театр гуруҳлари концерт 
дастурлари билан мижозларнинг яхши дам олишига шароит яратилади. 
Люкс тоифали ресторанларда юқори сифатли стереофоник радио-
аппаратурадан фойдаланилади, хар бир столда овозни бир меъёрда 
тартибга солувчи динамиклар бўлади. 
Ресторанлар бир-бирларидан қуйидагилар билан фарқланади: 
-тайёрлаб бериладиган таомлар ассортименти бўйича (балиқ 
миллий таомлари, хорижий мамлакат таомлари); 
-ўрнашган жойи - шахарда, вокзалларда, меҳмонхонада, дам 
олиш зонаси, вагон-ресторан ва бошқалар.