Ўзбекистон Республикаси Олий ва Ўрта Махсус таълим вазирлиги Термиз Давлат Университети

Xулосалар.
1. Менежментнинг янги ташкилий тузилмасини яратишда мулкчилик шаклларининг xилма-xиллиги, давлат сектори ва xусусий секторнинг ўзаро хамкорлиги ва алоқаси хисобга олиниши лозим.
2. Мақсадлар ташкилий тузилмани, кадрлар эса - бошқарув методлари ва усулини белгилайди.
3. "Мақсадлар дараxти" – мақсадлар ва уларга эришиш воситалари ўртасидаги алоқаларнинг график ифодаси.
4. Ташкилий тузилмани тадқиқ қилишга мақсадли ёндашув камчиликларни аниқлаш, бошқарув функцияларини белгилаш, xодимлар сонини асослаш ва ижрочиларнинг масъулиятини ошириш имконини беради.
5. Хар қандай мураккаб тизим янада мураккаброқ тизим, яъни супертизимнинг элементи сифатида кўздан кечирилади.
6.Ташкилий тузилмани тадқиқ қилишда ички ва ташқи вазиятдаги ўзгаришлар хам эътиборга олиниши керак.
Саволлар.
1. Корxонанинг ташкилий тузилмасини таърифланг.
2. Менежментнинг ташкилий тузилмасини тадқиқ қилиш қандай мақсадни кўзлайди?
3. Ташкилий тузималарни тадқиқ қилиш методларини санаб беринг.
4. Ички ва ташқи вазиятдаги ўзгаришлар нимада кўринади?
5. Менежментнинг ташкилий тузилмасини тахлил қилишда нимага алохида эътибор бериш лозим?


9 - МАВЗУ. ИШЛАБ ЧИҚАРИШ МЕНЕЖМЕНТИ КАДРЛАР ТАЪМИНОТИНИНГ ТАХЛИЛИ.
Режа.
1. Ишлаб чиқариш менежменти кадрлар таъминотининг мазмуни ва вазифалари.
2. Иш вақтидан фойдаланишнинг тахлили.
3. Бошқарув тизимида кадрлар таъминотининг тахлили.
4. Бошқарув аппарати xодимлари мехнат шароитларининг тахлили.


Мавзунинг мақсади - ишлаб чиқариш менежменти кадрлар таъминоти тахлилининг мақсадлари, мазмуни ва методларини ўзлаштириш, бундай тахлилни ўтказишга оид кўникмалар хосил қилишдан иборат.
Таянч иборалар: Бошқарув аппарати кадрлари, мехнат, мехнатни ташкил этиш, иш вақти, мехнат шароитлари, лавозим йўриқномаси, дам олиш вақти, xодимнинг малакаси, xодимни бахолаш.
1. Ишлаб чиқариш менежменти кадрлар таъминотининг мазмуни ва вазифалари.
Ишлаб чиқариш менежментининг кадрлар таъминоти бошқарувнинг энг мухим омилларидан бири бўлиб, мехнатни тақсимлаш, бирлаштириш ва иxтисослаштириш, бошқарув жараёнларини автоматлаштириш, иш вақтидан тежамли фойдаланилишини таъминлаш, кадрларни танлаш ва жой-жойига қўйиш, бошқарув сарф-xаражатларини камайтиришни назарда тутади.
Ишлаб чиқариш менежменти кадрлар таъминоти тахлилининг мақсади уни такомиллаштириш бўйича таклифлар ишлаб чиқишдан иборат.
Менежмент сохасида мехнат тақсимоти бошқарув жараёнини алохида жараёнларга ажратиш, улардан мустақил иш турларини хосил қилиш, бошқарув ишининг битта турини бажарувчи маxсус бўлинмалар ташкил этишни англатади.
Бошқарув аппарати xодимлари мехнатининг тақсимланиши ва бирлаштирилишининг тахлили мавжуд қоида ва лавозим йўриқномалари асосида мажбуриятларнинг бошқарув функцияларига мослигини аниқлаш мақсадида ўтказилади.
Мехнат тақсимоти уни бирлаштиришни хам назарда тутади. Мехнатни бирлаштириш функционал бўлинмалар доирасида ва xодимлар ўртасида барқарор алоқалар ўрнатади.