Ўзбекистон республикаси олий ва ўрта махсус таълим вазирлиги термиз давлат университети табиий фанлар факултети тупроқшунослик таълим йуналиши iv-курс туп-117-гуруҳ талабаси

Мавзунинг долзарблиги.
Тупроқ барча ўсимликлар, ҳайвонот олами, микроорганизмлар ҳамда инсонларнинг ҳам яшаш макони ҳисобланади. Тупроқ тирик организмлар учун озиқланиш манбаи сифатида ўзи ҳам ана шу организмлар таъсирида ривожланиб келган ва ривожланиб боради. Инсонлар қадим–қадимдан тупроқ билан қизиқиб, уни ўрганиб келишган, унинг пайдо бўлиши, хосса ва хусусиятларини билишга ҳаракат қилишган. Тупроқ инсонлар учун зарур бўлган ва ҳеч нарса билан алмаштириб бўлмайдиган озиқ–овқат маҳсулотлари, чорва учун ем–хашак ва саноат учун ҳом ашё яратиб беради, шу нуқтаи назардан тупроқ муҳим ишлаб чиқариш воситасидир. Тупроқларнинг табиатдаги ва жамият ҳаётидаги роли ғоят беқиёсдир. Тупроқ организмлар учун ҳаёт муҳити, озуқа манбаи ҳисобланади, моддаларнинг кичик биологик ва катта геологик айланма ҳаракатида муҳим рол ўйнайди. Тупроқ қаттиқ, суюқ ва газсимон компонентлардан иборат бўлиб, иқлим, тоғ жинслари, ўсимликлар ва ҳайвонлар, микроорганизмларнинг ўзаро мураккаб таъсири натижасида ҳосил бўлади. 1 грамм тупроқда миллиондан ортиқ содда ҳайвонлар ва тубан ўсимликлар учрайди. Тупроқ тугайдиган ва тикланадиган ресурсларга киради. Деҳқончиликнинг юзага келиши билан тупроқнинг кишилар ҳаётидаги аҳамияти кескин ошиб кетган. Инсон ўзи учун зарур бўлган барча озиқ маҳсулотлари ва кўплаб бошқа воситаларни бевосита ёки билвосита тупроқдан олади. Ер юзидаги ҳозирги мавжуд тупроқ қатлами жамият тараққиёти натижасида кучли ўзгарган.
Инсоният тарихи давомида 2 млрд дан ортиқ унумдор тупроқли ерлар яроқсиз ҳолга келтирилган.
Малакавий ишнинг мақсади ва вазифалари.
Мамлакатимиз худудидаги тупроқларни мукаммал ва муфассал ўрганиш, улардан фойдаланиш усулларини (ўғитларни тўғри қўллаш, мелиорация ва суғориш сингари агротехникавий тадбирларни) амалда жорий этиш ва тупроқ унумдорлигини ошириш йўли билан экинлардан янада кўпроқ хосил олиш каби муаммоларни хал этиш тупроқшунослик фани олдида турган хозирги энг мухим вазифалардандир. Тупрокшуносликнинг ана шундай оламшумул ва хаётбахш ахамияти туфайли дунёда юзлаб тупроқ илмий-тадқиқот институтлари фаолият кўрсатмоқдалар,университетларда,кишлок хужалик Академиялари ва институтларда тупроўшунослик таълим йуналиши мавжуд бўлиб,бу сохада мутахассислар тайёрланмоқда.
Шундай экан, Термиз давлат университети, табиий фанлар факультети, экология ва тупрокшунослик кафедраси профессор-ўкитувчилари сифатли ва рақобатбардош, малакали тупроқшунослар таёрлашга алохида этибор беришлари зарур. Бу эса давр талабидир.