Ўзбекистон республикаси олий ва ўрта махсус таълим вазирлиги т ермиз давлат университети

9. Маъруза. Цитрус ўсимликларини озиқлантириш
Режа:

1. 
   Цитрус ўсимликларини озиқлантириш
   
2. 
   Цитрус ўсимликларини ташқи кўринишига қараб уларда қандай озиқа моддалари танқислигини аниқлаш
   

Таянч сўзлар
Органик, минерал, микроўғит, тўйинган, вегитация, соф модда, хлороз, меъёрий, элемент, жараён.

Ҳар бир ўсимликнинг меъёрий ўсиши, гуллаши, ҳосил бериши учун энг аввало, озиқ элементлар яъни органик, минерал ва микроўғитлар керак. Ўсимлик энг кўп талаб қиладиган элементлар азот, фосфор, калий ҳамда микроэлементлар ҳисобланади. Азотга тўйинган ўсимлик гуркириаб ўсади ва япроқлари тўқ яшил рангда бўлади, ўз вақтида тўғри ва меъёрий озиқлантириш зарур. Ёш шохларнинг фаол ўсиши даврида март ойидан октябргача олиб борилади. Ўсимликни илдизи ҳамда барглари орқали озиқлантириш мумкин. Цитрус ўсимликларидан мўл ҳосил олиш учун илмий асосланган, ҳозирги замон талабларига мос янги технологиялардан фойданланиб иш кўрилгандагина кўзланган мақсадга эришиш мумкин.

Кўчатлар экилгандан сўнг биринчи суғоришдан кейин ер тобга келиши биланоқ унинг атрофи юзаси 3-4 см чуқурликда юмшатилади, бегона ўтлардан тозаланади. Иккинчи йилдан бошлаб март ойининг ўрталарида органик, минерал ва микроўғитлар берилиб чуқур юмшатилади. Шуни эсда тутиш лозимки, цитруслар жумладан лимон ҳосилга киргандан сўнг ўсимлик атрофи тупроғининг қуриб қолишига йўл қўймаслик лозим. Лимон кўчатлари ёшига қараб вегетация даврида 2 марта қуйидаги тартибда озиқлантирилади, органик ўғитлар кг ҳисобида, минерал ўғитлар соф модда ҳисобида, микроўғитлар г ҳисобида берилади.

Соф элементлар	Лимон ёши, йил
	1-5	6-10	11-15	15 дан ортиқ
Чириган гўнг кг	10	15	20	25
Азот соф модда г	30	50	100	150
Фосфор соф модда г	80	100	150	200
Калий соф модда г	30	50	80	100