Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “бухгалтерия хисоби ва аудит” кафедраси

Аудитнинг ишчи ҳужжатлари – аудитор томонидан текширилаётган хўжалик юритувчи субъект ходимлари ва учинчи шахслар томонидан аудитор талабига биноан аудит текширувчиларидан олдин, текширувлар жараёнида ва тугатилганида тузиладиган моддий кўринишидаги маълумотларининг йиғиндиси ҳисобланади ва у аудиторнинг ҳаққоний ҳисоботи ва хулосаси тузилишига имкон берувчи шунингдек мазкур ва кейинги аудитнинг самарали ўтишига кўмаклашувчи маълумотларни ўзида акс эттириш лозим. Бундай ҳужжатларнинг шакли ва маъзмунига қўйилган талаблар аудиторлик фаолиятига тегишли қоидалар (стандартларига) жавоб бериши лозим.

Бухгалтерия ҳисоботининг ишончлилиги – бухгалтерия ҳисоботи маълумотларининг шундай аниқлик даражасини, унинг ёрдамида фойдаланувчи хўжалик юритувчи субъект фаолиятининг натижалари тўғрисида тўғри хулосалар қабул қилинади.

Махсус аудиторлик топшириғи - аудиторлик ташкилоти билан тузилган шартномада назарда тутилган расмий бухгалтерия ҳисоботидан фарқли бўлган махсус ҳисоботнинг текшириш ёки буюртмачи билан келишилган бошқа текширишларни амалга ошириш. Бундай вазифа бухгалтерия ҳисоботининг алоҳида махсус моддаларини текшириш, мулк ҳолати, капиталдан фойдаланиш ва хўжалик юритувчи субъектнинг молиявий – хўжалик фаолиятини билан боғлиқ бўлган бошқа масалалар бўйича текширувлар ўтказишни ўз ичига олиши мумкин. Махсус аудиторлик вазифаси ҳақида шартнома аудиторлик ташкилоти ва хўжалик юритувчи субъект ёки унинг бухгалтерия ҳисоботидан фойдаланувчи мафаатдор шахс ёхуд давлат органи иштирокида тузилади.

Эксперт хулосаси – ёзма шаклда ифодаланган эксперт ишининг натижалари.

Хўжалик юритувчи субъект фаолияти ҳақида маълумот – аудит текшируви ўтказилаётган хўжалик юритувчи субъект иқтисодиёти ва ушбу хўжалик юритувчи субъектга тегишли соҳа тўғрисида маълумотлар йиғиндиси, шунингдек унинг фаолиятидаги ўзига хос хусусиятлар тўғрисидаги маълумотлар йиғиндиси бўлиб, аудитор ўз мажбуриятларини тегишли даражада бажариш учун режалаштириш босқичида олиши лозим бўлган ва аудиторлик текширувининг бошқа босқичларида тўлдириши мумкин бўлган маълумотлар ҳисобланади.