Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “бухгалтерия хисоби ва аудит” кафедраси

Мижоз – иқтисодий субъектларнинг бир тури ҳисобланади.

Аудиторнинг маҳорати (профессионал) – кўрсатиладиган профессионал хизматлар сифатли бўлишига имкон берувчи аудиторнинг маълум бир даражадаги билим ва малакага эга бўлишлиги моҳиятидан иборат аудитнинг бир тамойилидир.

Аудитнинг ташқи сифат назорати – Ўзбекистон Республикасида аудиторлик фаолиятини мувофиқлаштирувчи аудиторлик ташкилотининг аудиторлик фаолияти қоидалари (стандартлари) ва бошқа меъёрий ҳужжатларга амал қилинаётганлигини текшириш учун давлат органлари ва аудиторлик бирлашмалари томонидан қабул қилинган ташкилий усуллар, услубиятлар ва тадбирлардан иборат.

Аудитдаги ахборотларни (конфедециаллиги) махфийлиги – аудиторлар (аудиторлик ташкилоти) томонидан аудиторлик фаолияти давомида олинган ёки улар томонидан тузилган ҳужжатларни улардан олинган нусхаларни (тўла ва қисқа) бошқа бир учинчи шахсларга бериш ёки ушбу ҳужжатдаги маълумотларни оғзаки баён қилиш ҳуқуқига эга эмасликларини агар Ўзбекистон қонун ҳужжатларида бошқа ҳолатлар кўзда тутилган бўлса, ўзида мужассамлаштирган аудитнинг бир тамойилидир. Тергов органи, прокурор, суд ва арбитраж суди кўрсатмаси бўйича ўтказиладиган аудиторлик текшириш жараёнида олинадиган маълумотлар фақатгина юқорида кўрсатилган органларнинг рухсати билан ҳамда шу органлар улар ошкор қилиш зарур деб топган ҳолларида олинган маълумотлар ошкор қилиниши мумкин. Аудитор (аудиторлик ташкилоти) иқтисодий субъект бўйича олинган маълумотларнинг ошкор қилиши ва тарқатилиши унга моддий ва бошқа хил зарар етказмайди деб топганда ҳам махфийлик принципига сўзсиз амал қилиши лозим.

Аудитдаги лицензиялаш (рухсатнома бериш) – махсус ҳамда текширувдан ўтган (аттестацияланган) аудиторларга қонунчилик талабларига жавоб берадиган, тадбиркорлик фаолияти субъектлари сифатида белгиланган қонун тартибида рўйхатга олинган ташкилотларга аудиторлик фаолиятини юритиш ҳуқуқини берадиган махсус рухсатномани (лицензияни) бериш тартибидир.

Аудитор фикри – Аудитор ўзининг хулосасида келтириш лозим бўлган, тўлиқ ёки қисман текширилаётган иқтисодий субъект бухгалтерия ҳисоботининг ишончлиги (ишончли эмаслиги, ишончлилиги шарҳлар билан) ҳақидаги белгиланган шаклда ифодаланган аудитор (аудиторлик ташкилоти) ни ҳамда аудиторлик хулосасини тайёрлаш учун йиғилган далилларнинг етарлилиги ҳақидаги натижавий хулосасидир. Аудитор (аудиторлик ташкилотлари) ўз фикрларининг тўғрилиги ва асослиги учун белгиланган тартибда жавобгарликни ҳис этадилар.