Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти «банк иши» кафедраси

C) чегирма бериш – бунда харидор тўлов ҳужжатлари ёзилгандан сўнг, шартномада келишилган маълум давр ичида тўловни амалга оширса тўлов йиғиндисидан чегирма берилади;
Д) мавсумий – бу мавсумий товарларга (ўйинчоқ, фартук ва бошқалар) бериладиган кредит бўлиб улар муддати ўтганда қайтарилади;
Е) консигнасия – бунда товарни сотиб олувчилар ҳеч қандай мажбуриятсиз сотиб оладилар, яъни товарлар сотилгандан кейин пули тўланади, агар у сотилмай қолса эгасига қайтариб берилади.
31. Лизинг кредити – бу мулкий муносабатлар мажмуи бўлиб бунда бир тараф (лизинг берувчи) бошқа тарафнинг (лизинг олувчининг) топшириғига биноан учинчи тараф (мол етказиб берувчи)дан лизинг шартномасига мувофиқ лизинг обекти бўлган мулкни ўз мулки қилиб сотиб олиб уни тўлаш асосида лизинг шартномасида белгиланган шартлар билан вақтинчалик фойдаланиш ва эгалик қилиш учун лизинг олувчига беради. Лизинг инглизча ижара маъносини билдиради. Бугунги замонавий лизингни молиявий лизинг ҳам деб аталади.
32. Кредит фоизи – кредитлашнинг асосий шарти бўлиб унга маълум ҳақ (фоиз) тўланиши ҳисобланади. Кредитнинг фоиз миқдори кредитнинг тури, уни муддати, вақтида қайтарилиши ва айрим бошқа ҳолатларга боғлиқ. Юқоридагилардан келиб чиқиб кредит фоизини белгилашда Марказий банкнинг қайта молиялаш ставкаси, тижорат банклари оладиган фойда ва бошқа омиллар ҳисобга олинади.
33. Кредит фоизининг турлари. Адабиётларда кредитнинг номинал ва реал ставкаси тушунчаси мавжуд. Номинал фоиз ставкаси деганда кредит шартномасида кузда тутилган фоиз ставкаси тушунилади. Кредитнинг реал савкасини аниклаш учун номинал ставкасидан инфлясия даражаси чегирилади.
Бундан ташкари кредитнинг кредит шартномаси бажарилганга кадар узгармайдиган катий белгиланган фоиз ставкалари хамда тегишли узгаришлар киритилиши кўзда тутилган сузиб юрувчи ставкалар тушунчалари мавжуд.
34. Кредит фоизига таъсир этувчи омиллар – уларга юқорида таъкидланганидек Марказий банкнинг қайта молиялаш ставкаси, талаб ва таклиф, қарзни тўлаш муддати ва шарти, инфлясия даражаси, қарз беришнинг хатар даражаси, қарзга олинган пулни ишлатишдан кутиладиган наф даражаси ва бошқа омиллар таъсир этади.