Ўзбекистон республикаси олий ва ўрта махсус таълим вазирлиги самарқанд давлат чет тиллар институти

Illokutiv kogerentlik – oldingi nutqiy aktning keyingi nutqiy aktning illokutiv bog‘liqligi.
Illokutiv kuch – so‘zlovchining verbal va noverbal imkoniyati.
Innovatsiya – tildagi yangi hodisa va yangi shakllanishlar.
Intensiya (lot. intention «intilish, harakat qilish») – nutqiy harakatning maqsadi, so‘zlovchining niyati, istagi. Nutqiy intensiyaning amalga oshish darajasi (nutqiy harakatni amalga oshirish imkoniyati) tilga egalik (tilni o‘zlashtirish) darajasi, ekspressiv – stilistik va tilning obrazli imkoniyatlari hamda noverbal yordamchi vositalaridan foydalanish qobiliyatiga bog‘liq.
Interpretatsiya –(lot. o‘zgartirish, almashtirish) ma’noviy qayta ishlash, asosiy mazmunga kirish gaplar va oborotlar vositasida modal baholash ma’nosini kiritish.
Kogeziya – (lot. bog‘liq) yuzaki shakliy sathda namoyon bo‘ladigan matn bog‘liqligi. Kogeziya grammatik va leksik vositalarni, har xil takrorlarni, anafora va hakozolarni o‘z ichiga oladi.
Kogerentlik – (lot. aloqa, bog‘liqlik) mazmuniy ma’noviy sathda namoyon bo‘ladigan matn bog‘liqligi.
Kognitsiya – subyektning bilish, idrok qilish, ta’riflash qobiliyati.
Komissiv – (ing.commitment-«majburiyat») nutqiy akt. Bu nutqiy akt va’da berish va boshqa turdagi majburiyat ma’nolarini
ifodalaydi.
Kommunikativ maqsad (intensiya) – nutqiy harakat maqsadi, so‘zlovchining niyati. Kommunikativ maqsadning amalga oshish darajasi (nutqni amalga oshirish imkoniyati) so‘zlovchining tilni bilish darajasi, tilning ekspresssiv-stilistik va obrazli imkoniyatlaridan hamda noverbal yordamchi vositalardan foydalanish mahoratiga bog‘liq.
Kontekst – mazmun jihatidan tugallangan, o‘z tarkibidagi so‘z va iboralarning ma’nolarini belgilashga imkon beradigan nutq parchasi. Kontekst nutq vaziyatini ham qamrab oladi.
Konsept – lisoniy birliklar (masalan, so‘z, gap, matn kabilar) orqali yuzaga chiquvchi fikrlash jarayoni, hodisasi, tafakkur birligi bo‘lib, bu inson bilish jarayonining natijasidir.