Ўзбекистон республикаси олий ва ўрта махсус таълим вазирлиги самарқанд давлат чет тиллар институти

Konseptosfera – konsept uchun talab qilinuvchi belgilarning funksiyalashish maydoni.
Lokutiv nutqiy akt – talaffuz akti, barcha lisoniy qoidalaar asosida talaffuz qilish va artikulyasiya yoki hyech qanday maqsadli qurilmasiz oddiy gapirish.
Makrokonsept – lisoniy birliklarni qamrab olish doirasi keng qamrovli bo‘lgan konsept.
Matn – o‘zida kontekst va nutq vaziyatini ifoda etgan mazmun va shakl birligi.
Mental akt - so‘zlovchi nazarda tutgan kommunikativ niyat bilan tinglovchi tasavvurining o‘zaro mosligi, ya’ni verbal ifoda vositasi bilan tinglovchi tasavvuriga kira olish.
Modifikatsiya – tadqiq qilinayotgan hodisa tuzilishini aniqlashtirish.
Nutqiy akt – ma’lum maqsad bilan talaffuz qilinuvchi ifoda.
Nutqiy qobiliyat – til vositasida fikrning hosil bo‘lishi va shakllanish usullarini bilish, bu usullarni o‘zlashtirish jarayonida hamda turli kommunikativ aktlarda o‘rinli qo‘llash mahorati.
Nutqiy (kommunikativ) strategiya – so‘zlovchi yoki yozuvchining bosqichma-bosqichli nutqiy harakati tizimi, kommunikativ maqsadga erishish uchun muloqot jarayonida ifoda va muomala usullarini ongli ravishda tanlashning umumiy dasturi.
Nutqiy (kommunikativ) taktika – nutqiy strategiya hosil bo‘lish jarayonidagi aniq nutqiy yo‘l (qadam, burilish, davr); nutqiy strategiyalarni u yoki bu bosqichda amalga oshirishga muvofiq keluvchi va shu bosqichning xususiy kommunikativ vazifalarini yechishga yo‘naltirilgan nutqiy harakat (nutqiy akt yoki bir necha nutqiy aktning jamlanmasi).
Nutq situatsiyasi – nutqiy akt ishtirokchilariga u yoki bu nutqiy usul va til vositalarini tanlashga ta’sir ko‘rsatuvchi nutqiy jarayon. Nutqiy vaziyat xarakteriga quyidagi lisoniy va ekstralingvistik faktorlar ta’sir ko‘rsatadi: nutqiy vaziyat ishtirokchilari, ularning yoshi va ijtimoiy mavqyeyi hamda shaxsiy munosabati, nutq predmeti, nutqiy vaziyat ifodalanishi (joy, vaqt, sharoit), nutqiy janr (ma’ruza, dars, suhbat, tavba, intim suhbat), muloqot maqsadi va boshqalar.