Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

КАСБ-ҲУНАР КОЛЛЕЖЛАРИ УЧУН

ГЕОДЕЗИЯ

фанидан

ЎҚУВ ДАСТУРИ


Тузувчилар: Ғ. Жабборов Тошкент қурилиш коммунал касб-ҳунар коллежи махсус фан ўқитувчиси
Тақризчи: И.Ихлосов. “Уздавлаткадастр” бошқармаси бош мутахассиси.


Тошкент-2013


ЎҚУВ ДАСТУРИ


I.ФАННИНГ МАҚСАД ВА ВАЗИФАЛАРИ
Мазкур “Геодезия” фани дастури касб-ҳунар коллежларининг “Бино ва иншоотлар архитектураси” мутахассислиги учун мўлжалланган бўлиб, қурилиш ишлари олиб бориладиган ер майдонларини дунё томонлари билан боғланиши, баланд пастлиги ва сатҳ ўлчамларини аниқлаш масалаларини ўрганиш асосий мақсад қилиб қўйилади.
II. ФАННИНГ КВАЛИФИКАЦИОН ХАРАКТЕРИСТИКАСИ
Фанни ўрганиш жараёнида ўқувчилар қуйидаги билимларни эгаллайдилар:

• 
  геодезия асослари;
  
• 
  геодезик асбоб-ускуналар;
  
• 
  қурилиш-монтаж ишлар даврида уларнинг тўлиқ геодезик таьминланишини;
  
• 
  республикамиз ер ва мулк кадастри тўғрисидаги қонунларни;
  
• 
  турар-жой ва кўмас мулк кадастрини ва бошқаларни.
  

Қуйидаги кўникмаларга эга бўлиши керак:

• 
  лойиҳа чизмаларига асосан ер ўлчов ишларини бажариш;
  
• 
  лойиҳа чизмаларига асосан ер ишлари ҳажмини ҳисоблаш;
  
• 
  бевосита турар-жой ва коммунал хўжалиги тизимида ўтказиладиган геодезик ишларни амалга оширишни;
  
• 
  теоделит ва нивелирларни ишга тайёрлаш, созлаш ва улар орқали геодезик ўлчовларни бажаришни;
  
• 
  колонналар фундаментлари, кран ости йўллари, каркасли ва каркассиз панеллар, бино ва иншоотлар қисмларининг бажарилиш схемаларини ишлаб чиқишни, назорат қилишни ва бошқаларни;
  

III Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги

Геодезия умумасбий фани фан ҳисобланиб у 2-семестрларда ўқитилади. Дастурни амалга ошириш ўқув режасида кўрсатилган Экология ва атроф муҳит мухофазаси, меҳнат мухофазаси, қурилиш чизмачилиги, қурилиш материаллари, техник механика, математика, физика, фанлари билан ўзаро боғлиқ бўлиб, услубий жиҳатдан узвий кетма-кетлиги таъминланган