Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълим маркази

II. ЎҚУВ ДАСТУРИНИНГ АСОСИЙ МАЗМУНИ
2.1. Ўқув модулининг номи: Экологик таълим тарбия.
2.2. Ўқув модули мақсади: Тингловчиларда экологик таълим-тарбия, экологик маданият, экологик онг тушунчаларининг моҳияти, таркибий қисмлари ва уларнинг шаклланиш босқичлари ҳамда экологик таълим ва тарбия технологиялари ҳақидаги янги назарий билимларни ва уларни амалда қўллаш кўникмаларини такомиллаштиришдан иборатдир.
2.3. Ўқув мoдулидан кутилaётгaн нaтижaлaр: Тингловчилар модулни ўзлаштириш жараёнида қуйидаги билим ва кўникмаларга эга бўладилар:

Билим	Кўникма
“Экологик таълим ва тарбия”предмети ва вазифалари, экологик тизим, биогеоценозларнинг тузилиши тўғрисида билимга эга бўладилар;	экологик хавфсизликнинг моҳиятини тушуниши, мавжуд ижтимоий-экологик вазиятга тўғри баҳо бераолиши;
инсон жамият ва табиат, улар ўзаро муносабатларининг эволюцияси тўғрисидаги қарашларни ўрганадилар;	“инсон ва атроф-муҳит” муаммосининг кўламларини аниқ тасаввур қилиши, экологик таълимнинг моҳиятини таҳлил қилаолиши;
фан-техника инқилобининг жамият ва табиатнинг, инсон ва атроф-муҳитнинг ўзаро муносабатига таъсирини ўрганадилар;	экологик таълим-тарбия тушунчаси ва унинг таркибий жиҳатларини билиши;
биосфера ва ноосфера тўғрисидаги таълимотлар ҳақида билимларга эга бўладилар;	экологик таълим-тарбия моҳиятини ифодаловчи асосий тушунчаларнинг моҳиятини билиши ва улардан амалиётда фойдалана олиши:
экологиянинг бошқа фанларга муносабати ва унинг аҳамиятини ўрганадилар;	экологик онг ва экологик маданиятнинг таркибий қисмлари ҳақида тушунчага эга бўлиш ва амалиётда фойдаланиш;
экологик онг ва экологик маданият ҳақида илмий тасаввурга эга бўладилар;	экологик маданият ва онг даражаларининг ўзаро мутаносиблигини тасаввур қилиши;
инсон фаолиятида экологик йўналтирилганлик ҳақидаги билимларга эга бўладилар.	экологик таълим-тарбия технологияларини билиши ва амалда қўллай олиши.