Ўзбекистон республикаси олий ва ўрта махсус таълим вазирлиги ўрта махсус профессионал таълимнинг

Ўқув дастурига қўйиладиган талаблар

Ўқув дастурининг Номи	Терапияда ҳамширалик иши
Ажратилган Соат	180
Мавзулар сони	13
Дастурнинг мақсади	терапевтик касалликларнинг асосий хусусиятларини тушунтириш; субъектив, объектив, инструментал ва лаборатор текшириш усулларини ўргатиш; шифокоргача бўлган шошилинч ёрдам чораларини тушунтириш; терапевтик касалликларда ҳамширалик парваришини амалга оширадиган ҳамширани шакллантириш; касалликларнинг олдини олиш чораларини, соғлом турмуш тарзини тарғибот қилишни ўргатиш.
Ўзлаштириш (ўқитиш) натижалари	терапевтик касалликларнинг асосий хусусиятлари, текшириш усуллари, ҳамширалик парвариши ҳамда шифокоргача бўлган тез тиббий ёрдам кўрсатиш бўйича билим ва кўникмаларга эга бўладилар.
Билим	терапевтик касалликлар фанининг ривожланиш тарихи ва хусусиятлари; беморларни субъектив, объектив, тиббий асбоб ускуналар ва лаборатор текшириш усуллари; нафас олиш, юрак қон-томир, овқат ҳазм қилиш, буйрак ва сийдик ажратиш аъзолари касалликларида ҳамширалик иши; қон ва қон яратиш аъзолари, ички секреция безлари ва модда алмашинуви касалликларида ҳамширалик иши; аллергик ҳолатларда, cуяк–мушак ва бириктирувчи тўқима касалликларида ҳамширалик иши; гипо ва авитаминозлар.
Кўникма	амбулатор карта ва касаллик тарихининг паспорт қисмини тўлдириш; беморнинг шикоятини сўраб-суриштиришни, беморнинг шикояти ҳамда ташқи кўриниши асосида ҳолатини баҳолаш; беморни пальпация, перкуссия ва аускультация қилиш орқали меъёрий ва патологиядаги ўзгаришларини аниқлаш; тиббий хужжатларни расмийлаштиришда амалиёт ҳамширасининг вазифаси; рентгенологик, эндоскопик ва ультратовуш диагностикасига беморни тайёрлаш; ЭКГ текширувига бемор ва аппаратни тайёрлаш; бармоқдан ва венадан қон олиш техникаси; умумий сийдик таҳлили, Зимницкий, Нечипоренко синамаларига сийдик йиғиш; нажасни умумий, бактериологик, яширин қонни аниқлаш учун йиғиш; балғамни умумий, бактериологик, сил таёқчаларини аниқлаш учун йиғиш ва туфдонни дезинфекция қилиш; меъда ва 12-бармоқ ичак ширасини олиш учун керакли ашёларни ва беморни тайёрлаш; пульсни санаш, НОТ, А/Б, тана ҳароратиниўлчаш, ҳарорат варағига белгилаш; плевра пункцияси учун керакли ашёларни, беморни тайёрлаш ва унда иштирок этиш; кислород манбаидан кислород ёстиғини тўлдириш, беморга намланган кислород бериш; оддий физиотерапевтик муолажаларни бажариш (ингаляция ўтказиш, хантал қўйиш, иситувчи компресс, музли халтача, грелка ва даволовчи ванналарни тайёрлаш); чўнтак ингаляторларидан тўғри фойдаланиш; балғам яхши ажралиши учун дренаж ҳолатини яратиб бериш; антибиотикларни эритиш, дозасини ҳисоблаш ва м/о инъекция қилиш; гирудотерапия ўтказиш; бициллинни эритиш ва юбориш; оғир ётган беморларнинг оғиз бўшлиғини парвариш қилиш ва овқатлантириш; оғир ётган беморларнинг тери қопламларини парвариш қилиш ва ётоқ яраларни олдини олиш; беморларни кийим ва оқликларини алмаштириш; беморларни транспортировка қилиш; меъдани ювиш, ҳуқна қўйиш, газ чиқарувчи найча қўйиш; меъдани фракцион зондлаш, дуоденал зондлаш; зондсиз тюбаж ўтказиш; бемор қусганда шошилинч ёрдам кўрсатиш; парҳез билан даволаш усуллари; дори моддаларни парентерал юбориш; бемор вазнини ўлчаш; суткалик диурезни аниқлаш; катетерлаш учун керакли ашёларни тайёрлаш ва универсал муляжда қовуққа катетер қўйиш; бармоқдан қон олишни, қон суртмасини тайёрлаш; гемоглобин миқдорини аниқлаш; эритроцитларнинг чўкиш тезлигини аниқлаш; қоннинг ивувчанлиги ва оқувчанлигини аниқлаш; қон гуруҳини аниқлаш; қон қуйиш учун системани тайёрлашни ва қон қуйишда иштирок этиш; суяк кўмигини пункция қилиш учун керакли ашёларни ва беморни тайёрлаш; қон ва қон ўрнини босувчи дори моддаларини организмга юбориш усуллари; қоннинг нормадаги ва патологиядаги таҳлилини ўқий олиш; қалқонсимон безни пальпация қилиш; сийдикдаги қанд миқдорини аниқлаш учун сийдик йиғиш; сийдикдаги қандни, ацетонни лабораторияда ва экспресс усулда аниқлаш; глюкометр ёрдамида қондаги қандни аниқлашни ва беморга ўргатиш; инсулиннинг дозасини ҳисоблаш, флакондан шприцга тортиш ва беморга ўз-ўзига инсулин инъекция қилишни ўргатиш; беморларга келган озиқ – овқатларни назорат қилиш; аллергологик синамаларни қўйиш( т\о, тил ости, аппликацияли, скарификацияли); ортопедик жиҳозларни қўллашда беморга ёрдам бериш; беморга қулай вазият яратиш учун функционал кроватдан фойдаланиш; қон туфлаш, ўпкадан қон кетиш, бўғилиш хуружи, гипертоник криз, стенокардия хуружи, ўткир миокард инфаркти, кардиоген шок, ҳушдан кетиш, коллапс, юрак астмаси, ўпка шиши, меъда, ичакдан қон кетиш, жигар комаси, ўт санчиғи, ўткир буйрак етишмовчилиги, уремик кома, буйрак санчиғи, гипертермия, гипергликемик ва гипогликемик комалар Квинке шиши, ўткир эшакеми, анафилактик шокда шифокоргача бўлган тез тиббий ёрдам кўрсатиш; муаммоли масала мисолида ҳамширалик жараёни юритиш.