Ўзбекистон республикаси олий ва ўрта махсус таълим вазирлиги низомий номидаги тошкент давлат

КАРДИОГЕН ШОК 
 
Кардиоген шок асосан миокард инфаркти, митрал ва аортал 
клапанлар етишмовчилигида, юракда ўтказилаётган операциялар 
асорати сифатида юзага келади. 
Белгилари. Беморнинг ранги оқариб, совуқ тер босади, 
терисининг сезувчанлиги камаяди. Оёқ-қўллари совийди, баъзан 
тана ҳарорати пасаяди. Пульс тўлиқлиги кучсиз, ипсимон бўлади, 
баъзи ҳолларда пульсни аниқлаб бўлмайди. Қон босими пасайиб, 
сийдик чиқиши камаяди(олигурия) ёки умуман сийдик чиқмайди 
(анурия). 
Биринчи тиббий ёрдам. Дарҳол тез тиббий ёрдам 
ходимларига хабар бериш зарур. Улар келгунча бемор қимирлатмай 
ётқизиб қўйилади. Строфантин, кордиамин, томирлар ишини 
яхшилаш учун 0,5-1,0 мл мезатон мускул орасига юборилади. 
ЭМОЦИОНАЛ ШОК 
 
Кучли ҳаяжонланиш, асаб ва руҳий бузилишларда кузатилади. 
Беморнинг ҳулқ-атвори ўзгаради, безовталаниб, бошқаларга 
нисбатан агрессив муносабатда бўлади. Баъзи беморларда онг ва 
сезувчанликнинг бузилиши кузатилади. Гоҳида эмоционал шок 
истерия ҳолати билан тугайди. 
Биринчи тиббий ёрдам. Беморнинг ёнида ортиқча 
одамларнинг туришини ман этиш, шикаст етказиши мумкин бўлган 
ҳар хил жисмларни беркитиб қўйиш ва бемор билан яхши 
муносабатда бўлиш керак. Руҳий касалликлар билан оғриган 
беморлар махсус касалхоналарда даволанишлари лозим. 
 
ГЕМОТРАНСФУЗИОН ШОК 
 
Беморга қон гуруҳи тўғри келмайдиган қон қуйилганда рўй 
беради. Шунинг учун беморга доимо врач кўрсатмаси бўйича, 
унинг назоратида, шифохонада қон қуйилиши керак. 

---

83 
Хулоса қилиб айтганда, шок ҳолатларини келтириб чиқарувчи 
омилларни ўз вақтида зудлик билан бартараф қилиш, беморни 
шокка тушишини олдини олишда унинг ҳаётини сақлаб қолишда 
энг муҳим вазифа ҳисобланади.