Ўзбекистон республикаси олий ва ўрта махсус таълим вазирлиги наманган муҳандислик-қурилиш институти

4.1-расм. Электрокимёвий фаоллаштирилган сув асосида кўпайтирилган браконни ғўза тунламига қарши биологик самарадорлиги (Дала тажрибаси, Наманган вилояти, Тўрақўрғон тумани, “Қўрғонча оқ олтини” фермер хўжалиги, 2018 й.)
Электрокимёвий фаоллаштирилган сув асосида озиқлантирилган мум куяси қуртида кўпайтирилган бракон авлодларини Bracon hebetor Say авлодлари агробиоценозда тарқатилгандан сўнг табиий авлодлари билан чатишиб бир генерациясининг ривожланиши, март ойнинг бошидан +19-20+0,8°С ҳаво ҳарортида 30 кунда ўтди, ғўза агробиоценозида эса июн-июл ойларида +28-30+0,5°С ҳаво ҳарортида 11-13+0,6 кунга чўзилди.
Бундан кўриниб турибдики электрокимёвий фаоллаштирилган сув асосида озиқлантирилган мум куяси қуртида кўпайтирилган бракон авлодларини кўпайтирилган бракон авлодлари биоценоздаги табиий зотлари билан оталаниши ва агробиоценозда ривожланиб кўсак қурти авлодларини сонини бошқариши мумкин.
Демак электрокимёвий фаоллаштирилган сув асосида озиқлантирилган мум куяси қуртида кўпайтирилган Braconidae оила вакилларини биолабораторияларда ялпи кўпайтириш ва қишлоқ ҳўжалиги экинларида учрайдиган тунлам зараркунандаларига қарши қўллаш имкониятини яратиш мумкин.
4.3-§ Электрокимёвий фаоллаштирилган сув асосида мум куяси қуртида бракон кўпайтириш технологиясининг иқтисодий самарадорлиги
Ҳар бир сохада ўзининг иқтисодий самарадорлиги ҳисобга олинади. Аслида бу жараён иш бошлашдан олдин режалаштирилади. Биолаборатория шароитида (Наманган “Биосервис” МЧЖ) катта мум куяси қуртлари Х.Р.Мирзалиева томонидан тавсия этилган ва шу озуқа таркибига яқин бўлган икки хил озуқа муҳитларда (электрокимёвий фаоллаштирилган водопровод суви ёрдамида тайёрланган) кўпайтирилди. Шу билан бирга ҳар бир озуқа муҳитни таркиби бўйича битта қурт учун сарфи, озиқланиш давомида ўзлаштира олмаган озиқлар вазни ва ҳар бир қуртдан браконларни чиқиши аниқланди. Бу ерда учала озуқада кўпайтирилган қуртлардан олинган браконларнинг чиқиши бўйича иқтисодий самарадорлик сезиларли даражада ўзгариб борди. Бу жараён электрокимёвий фаолаштирилган водопровод сувида тайёрланган озуқа муҳитда намоён бўлди. Мавсум давомида ўртача 3 млн. дона бракон олиш имкониятига эга бўлган биолабораторияда бир кунлик ҳаражат назорат вариантида 246548 сўм ёки
1 дона бракон таннархи 8,06 сўм, иккинчи ва учинчи вариантларда тегишли тартибда 244311 ва 247058 сўм ёки ўртача таннарх 7,13 ва 7,29 сўмни ташкил этди. Шунингдек, олинган фойда ва рентабеллик даражаси ҳамма вариантда сезиларли даражада ўзгариб борди. Яъни назорат вариантида 28 739,50 сўм ва рентабеллик даражаси 111,7 %, иккинчи вариантда 63 867 сўм ёки 126,1 ва учинчи вариантда 57 772 сўм ёки 123,4 % ни ташкил қилди.
Олиб борилган тажриба натижаларига кўра, хулоса қилиш мумкин, яъни иккинчи вариантда рентабеллик даражаси бошқа вариантларга нисбатан юқори эканлиги аниқланди (4.3-жадвал).