|
Асосий адабиётлар
Махмудов М.Х. Кутубхона – ахборот фаолияти менежменти: Ўқув қўлланма.-Т.,2007.-150 б./ ТДМИ
2.Ахборот-кутубхона ва ахборот-ресурс марказлари ишини ташкил қилиш.-Т.: А.Навоий номидаги Ўзбекистон Миллий кутубхонаси нашриёти, 2007.-68б.
3. Basics of Management for Information Professionals, Second Edition G.Edward Evans and Patricia L Ward, August 1, 2007
Қўшимча адабиётлар
1.Суслова И.М. Менеджер библиотеки: Требование к профессии и личности. Учеб.пос. М.: Изд-во МГУК, ИПО Профиздат. 2000. –144 с.
2.Управление библиотекой: Учеб-прак. Пособие./ Аверьянова А.С., Ванеев А.И., Горев В.Г. и др-сп б: Изд-во “Профессия”, 2003-302 б.
3.Качанова Е.Ю. Инновационно-методическая работа библиотек: Учеб. Пособие /.Е.Ю. Качанова.-СПб.: Профессия, 2007.-336 с.
4.Пашин А.И. Библиотека как социально-культурная система: вопросы управления.-М.: Либерия- Бибинформ, 2005.-92 с.
Интернет матераллари
1.www.management.aaanet.ru/osnovi
11.“Ахборот-кутубхона фаолиятини бошқаруви” фани бўйича маъруза матнлари
1-мавзу: Ахборот-кутубхона фаолиятини бошқариш фанининг предмети ва вазифалари
1.Фаннинг объекти ва предмети.
2.Мазмуни ва асоий йўналишлари.
3.Замонавий муаммолари ва ривожланиш тенденциялари
Ушбу фаннинг асосий мақсади – янги ижтимоий – иқтисодий шароитларда ахборот-кутубхона фаолиятини бошқаришнинг назарий ва амалий томонларини ёритишдан иборат. Унда бошқарувнинг назарий аспектлари, бошқарув фанини моҳияти ва мазмуни, уни тузилмаси, бошқарув фаолиятини қонуниятлари таҳлил қилинади, кутубхона-ахборот фаолияти, бир-бири билан мустаҳкам боғланган ва ўзига хос қирралари ва ривожланиш қонуниятларига эга бўлган мураккаб ижтимоий-маданий тизим сифатидаги назарий ва амалий муаммоларини ўрганишга қаратилган.
“Ахборот-кутубхона фаолияти бошқаруви ” фанининг асосий мақсади - талабаларга ахборот-кутубхона фаолияти бошқаришнинг асосий илмий -назарий масалаларини, умумий тамойиллар, қонуниятлар, методологик асосларни, соҳанинг истиқболларини, жамиятни ахборотлаштириш билан боғланган холда ўргатишдир.
Фаннинг вазифаси - талабаларнинг касбий тайёргарлигини тубдан яхшилаш ва бўлғуси мутахассисларга ихтисослик бўйича малакаларини янада мустаҳкамлаш учун ахборот-кутубхона фаолиятини бошқариш тамойиллари, шакллари ва усулларини, бошқарув раҳбарларига қўйиладиган талаблар ва бошқалар ҳақида зарурий билимлар бериш ва маълум бир кўникмаларни шакллантириш хисобланади.
“Ахборот-кутубхона фаолияти бошқаруви” фанини ўзлаштириш жараёнида амалга ошириладиган масалалар доирасида бакалавр:
- ушбу фанни ўзлаштириш давомида қўйиладиган талаблар асосида амалий ва тажриба машғулотларини бажаришлари,шунингдек фаннинг мақсади, вазифаси, тамойиллари, қонуниятлари, методологиясини ва методларини, кутубхоналар типологиясини билиши керак.
- фанни ўзлаштириш учун тавсия этилаётган адабиётларни мустақил ўрганиш, уларни таҳлил қилиш кўнималарига ва малакаларга эга бўлишлари керак.
-эгаллаган билимлари асосида мустақил фикрлаш қобилиятига эга бўлишлари ва уларни амалий муаммоларни ҳал қилишда қўллай олишлари керак.
-фанни ўзлаштириш натижасида ҳосил қилинган билим ва кўникмаларидан илмий-тадқиқот ва малакавий битирув ишларини бажаришда фойдалана олишлари зарур.
“Ахборот-кутубхона фаолияти бошқаруви ” фани 6-7-семестрда ўқитилади. “Ахборот-кутубхона фаолияти бошқаруви” фани ихтисослик фанлардан бири ҳисобланади ва бакалавр тайёрлаш ўқув режасидаги “Ижтимоий-гуманитар” ва “Мутахассислик фанлари” йўналишидаги барча фанлар билан чамбарчас боғлиқ.
Фан бўйича ўқув машғулотлари ўқув режасига кўра ўқув материалининг мазмуни ва педагогик мақсадларига қараб, маъруза ва амалий машғулотлар кўринишида ташкил этилади. Фан бўйича назарий билимларни мустаҳкамлаб бориш учун маъруза машғулотларидан ҳамда амалий машғулотларидан фойдаланилади.
“Ахборот-кутубхона фаолияти бошқаруви ” фанини талаб даражасида ўзлаштириш, талабаларда, ахборот-кутубхона фаолиятини бошқариш соҳаси бўйича фундаментал билим, кўникма ва малакаларни ҳосил қилишдан, ҳамда уларни келгусида ахборот-кутубхона муассасалари фаолиятида қўллай олишдан иборат
Ўқув фанини талаб даражасида ўзлаштириш учун уни ўқитиш жараёнида ўқитишнинг интерфаол усулларидан – кичик гуруҳларда ишлаш, ақлий ҳужум, муаммоли ўқитиш, даври суҳбатлари, психологик ўйинлар ва бошқа инновацион усуллардан фойдаланиб талабаларнинг эркин ва мустақил ишлашини самарали ташкил этиш, уларга қўйилган ўқув вазифаларини мустақил бажаришни ташкил этиш мақсадида ахборот технологиялари ҳамда ахборот таълим муҳитидан фойдаланиш кўзда тутилади.
Республикамиз ҳаётида мухим сиёсий, ҳуқуқий, иқтисодий ва маданий-маърифий ўзгаришлар рўй бермоқда. Бозор иқтисодиёти муносабатларининг таркиб топиши ва шаклланиш жараёни ўзига хос кўринишда амалга ошмоқда. Кутубхона- ахборот фаолиятида ҳам олиб борилаётган ислоҳатларнинг муваффақияти кўп жиҳатдан фаолиятни тўғри ташкил қилиш ва бошқаришга боғлиқдир. “Ахборотлаштириш ва кутубхонашунослик” таълим йўналиши бўйича бакалавр кадрлари тайёрлашда “Ахборот-кутубхона фаолияти бошқаруви” фани, кутубхонашунослик фанлари тизимидаги якунловчи босқич бўлиб, талабаларга ихтисослик бўйича билим беришда мухим аҳамиятга эгадир.
Do'stlaringiz bilan baham: |
