Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Тузувчилар:

Ш.А.Рахимова – ТАТУ, «Ахборот-кутубхона тизимлари» кафедраси катта ўқитувчиси

Тақризчилар:

Рахматуллаев М.А.

ТАТУ, « Ахборот-кутубхона тизимлари» кафедраси профессори, т.ф.д.

З.Бердиева Ўзбекистон Республикаси Фанлар Академияси Асосий кутубхонаси директори

Фаннинг ўқув дастури Мухаммад ал-Хоразмий номидаги Тошкент ахборот технологиялари университети Илмий-услубий Кенгашида кўриб чиқилган ва тавсия қилинган (2020_ йил «__» ______даги «____» - сонли баённома)

Кириш

Ушбу фаннинг асосий мақсади – янги ижтимоий – иқтисодий шароитларда ахборот-кутубхона фаолиятини бошқаришнинг назарий ва амалий томонларини ёритишдан иборат. Унда бошқарувнинг назарий аспектлари, бошқарув фанини моҳияти ва мазмуни, уни тузилмаси, бошқарув фаолиятини қонуниятлари таҳлил қилинади, кутубхона-ахборот фаолияти, бир-бири билан мустаҳкам боғланган ва ўзига хос қирралари ва ривожланиш қонуниятларига эга бўлган мураккаб ижтимоий-маданий тизим сифатидаги назарий ва амалий муаммоларини ўрганишга қаратилган.

Фаннинг мақсад ва вазифалари

“Ахборот-кутубхона фаолияти бошқаруви” фанининг асосий мақсади - талабаларга ахборот-кутубхона фаолияти бошқаришнинг асосий илмий -назарий масалаларини, умумий тамойиллар, қонуниятлар, методологик асосларни, соҳанинг истиқболларини, жамиятни ахборотлаштириш билан боғланган холда ўргатишдир.

Фаннинг вазифаси - талабаларнинг касбий тайёргарлигини тубдан яхшилаш ва бўлғуси мутахассисларга ихтисослик бўйича малакаларини янада мустаҳкамлаш учун ахборот-кутубхона фаолиятини бошқариш тамойиллари, шакллари ва усулларини, бошқарув раҳбарларига қўйиладиган талаблар ва бошқалар ҳақида зарурий билимлар бериш ва маълум бир кўникмаларни шакллантириш хисобланади.