Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Оммавий ва болалар кутубхоналарининг тузилиши.

Ҳозирда Республикамизда давлат оммавий ва болалар кутубхоналари Ахборот- ресурс марказларига бирлаштирилган. МХД давлатларида Давлат оммавий кутубхоналари тармоғи марказлашган кутубхоналар тизимига бирлаштирилган. Шу сабабли уларнинг катта бўлмаган шохобчаларида биттадан, каттароғларида бир нечтадан кутубхоначи хизмат кўрсатади. Фақат шахар ва туман марказий кутубхоналарининг китоб фондлари катта бўлганлиги учун уларда кўпрок ходимлар меҳнат қилади. Оммавий кутубхоналарнинг ташкилий тузилиши асосан қуйидагича:

Шаҳар ва туман кутубхоналарида абонемент, ўқув зали, кўчма китоб фонди, шунингдек болалар бўлимлари мавжуд. Марказий кутубхонада бундан ташқари услубий- библиографик бўлим ҳам ташкил этилган. Бу бўлимларда битта ва ундан ортиқ ходим ишлайди. Лекин ходимларга китоб фондини моддий жавобгарлиги юклатилганлиги сабабли абонемент, ўқув зали ёки фондни – бўлим, ходимни эса – мудир деб хисоблаш мумкин. Шу билан бирга марказлашган кутубхона тизимида кутубхона фондини комплектлаш ва ишлов бериш бўлими мавжуд.
Болалар кутубхоналарида хизмат кўрсатиш бўлимининг ташкилий тузилмаси китобхонларнинг улғайиш хусусиятларига мувофиқ табақалаштирилади: кичик мактаб ёшидаги болалар учун абонемент, ўрта ва катта ёшдаги болалар учун бўлимлар ажратилади. Йирик болалар кутубхоналарида – республика, вилоят, марказий шахар кутубхоналарида асосан функционал бўлимлар: комплектлаш, ишлов бериш, китоб сақлаш, хизмат кўрсатиш, шунингдек услубий ва библиографик бўлимлар мавжуд бўлади.


Мавзу бўйича асосий тушунча ва атамалар


Кутубхона- ахборот муассасаларининг ташкилий тузилиши- бу ундаги бўлинмалар йиғиндиси, уларнинг биргаликдаги тобелиги ва ўзаро муносабатлари, улар ўртасидаги вазифаларни тақсимланишидир.
Комплектлаш бўлими – турли манбалардан: кутубхона коллектори, китоб дўконлари, обуна нашрлари ва бошқа жойлардан келадиган босма нашрлар ва бошқа ахборот материалларининг асосий нусхалари билан шуғулланади ва уларни хисобини олиб боради.