Ўзбекистон республикаси олий ва ўрта махсус таълим вазирлиги мухаммад ал хоразмий номидаги тошкент ахборот технологиялари университети

Миллий адабиётлар бўлими республика кутубхоналарида ташкил қилинади.
Библиография бўлими библиографик ишларнинг барча турлари: ахборот ва маълумот, ўлкашунослик, тавсия библиографияси билан шуғулланади, ретроспектив библиографик қўлланмалар тузади.
Республика кутубхоналарида, патент ва техника адабиётлари бўлими, қишлоқ хўжалиги ходимларига ёки бошқа соха мутахассисларига хизмат кўрсатувчи сохали бўлимлар, санъатнинг барча турлари, жумладан мусиқа-нота адабиётларини тарғиб қилиш билан шуғулланувчи санъат бўлими ҳам бўлиши мумкин.
Илмий – услубий бўлим республика ва вилоятда услубий ишларни ташкил этади.
Илмий –тадқиқот бўлими асосан республика кутубхоналарида бўлиши керак. Унинг вазифаси кутубхонашунослик ва библиографияшунослик фанининг долзарб масалаларини ишлаб чиқиш, ушбу мавзу бўйича республика миқёсидаги илмий –тадқиқот фаолиятларини мувоффиқлаштириш ва натижаларни амалиётга жорий этишдан иборатдир. Ҳозирда бу бўлимлар маркетинг тадқиқотлари бўлими деб ҳам номланмоқда.
Маданият ва санъат бўйича ахборот бўлими, раҳбар ходимлар, илмий ходимлар ва мутахассисларни маданият муассасаларидаги илғор тажрибалар, янгиликлар, ютуқлар тўғрисидаги ахборот билан мунтазам таъминлаб туради.
Депозитарлар (кам фойдаланиладиган адабиётлар фонди) вазифасини бажарувчи кутубхоналарда – депозитар бўлими, шунингдек алмашув – резерв фондлари сектори ва бошқалар ташкил этилиши мумкин.


Олий таълим муассасалари кутубхоналарининг тузилиши.

Ўзбекистон Республикасида олий таълим муассасалари кутубхоналари Ўзбекистон Республикаси Президентининг “Республика аҳолисини ахборот-кутубхона билан таъминлашни ташкил этиш тўғрисида” 2006 йил 20 июндаги қарори ижросини таъминлаш мақсадида, Ўзбекистон Республикаси Олий ва ўрта махсус таълим вазирлигининг 2006 йил 29 декабрь 299- сонли буйруғига биноан “Ахборот- ресурс марказларига” ( кейинги ўринларда АРМ деб аталади) айлантирилди. Буйруқга илова тарзида “Олий ва ўрта махсус, касб-ҳунар таълим муассасаларининг ахборот- ресурс марказлари тўғрисида намунавий Низом”, “Ахборот-ресурс марказидан фойдаланиш Қоидалари”, “Олий ва ўрта махсус, касб-ҳунар таълим муассасалари ахборот-ресурс марказлари фондларини шакллантириш ҳақида Низом”, “Нашрлар ва бошка ҳужжатларни АРМ фонди хисобидан чиқариш тартиби”, Ахборот-ресурс марказларини гурухларга ажратиш мезонлари ва тартиби, гурухларни намунавий штатлар жадвали ва меҳнатга хақ тўлаш Ягона тариф сеткаси бўйича лавозим разрядлари белгилаб берилди ( 1-Иловада улар тулик келтирилган ).

Олий таълим муассасалари қошидаги АРМларда қуйидаги бўлимлар мавжуд: