Ўзбекистон республикаси Олий ва ўрта махсус таълим вазирлиги Мирзо Улуғбек номидаги Самарқанд Давлат архитектура-қурилиш институти «Қурилиш материаллари, буюмлари ва конструкцияларини ишлаб чиқариш»

Сув ўтказувчанлик – ашёнинг босим остига ўзидан сув ўтказиш хусусиятидир. У ашёнинг ғоваклигига, ғовакларнинг шакли ва ўлчамларига боғлиқ. Очиқ ғоваклари ва бўшлиқлари кўп бўлган ашёнинг сув ўтказувчанлиги юқори бўлади.
Ашёнинг бу хоссаси сув ўтказувчанлик коэффициенти орқали ифодаланади. Бу коэффициент доимий босимга маълум қалинликдаги материалнинг 1 см² юзаси орқали 1 соатга ўтган сув миқдорига тенг. Сув ўтказмайдиган ашёларга абсолют зич (шиша, пўлат, айрим пластмассалар, битум) ва ёпиқ ғовакли зич ашёлар (масалан махсус бетонлар) киради.
Гигроскопиклик – ашёнинг ҳаводаги сув буғларини шимиш хоссаси. Гигроскопиклик ашёнинг ғоваклигига боғлиқ. Ёғоч, иссиқ-совуқни кам ўтказувчан, деворбоп ва бошқа ғовак ашёлар гигроскопиклик хусусиятига эга.
Газ ва буғ ўтказувчанлик – ашёнинг ўз қатлами орқали босим остида газ (ҳаво) ёки сув буғини ўтказиш хоссасидир.
Ашёнинг газ ва буғ ўтказувчанлиги махсус коэффициент орқали аниқланади. Газ ва буғ ўтказувчанлик коэффициенти қалинлиги 1 м ва юзаси 1 м² бўлган ашё қатлами орқали 1 соатда ўтадиган газ ёки буғ миқдори билан аниқланади.
Газ ёки буғ ўтказувчанлик коэффициенти қуйидаги формула орқали ифодаланади:

бунда K_g(b) – газ ёки буғ ўтказувчанлик коэффициенти; а – газ ёки буғ ўтадиган деворнинг қалинлиги, м; S – деворнинг юзаси, м²; V – газ ёки буғнинг ҳажми, см;  – зичлиги г/см³; t – вақт, соат; Р – девор юзаларидаги босимлар айирмаси.
Бу хосса бино деворлари учун, музлатгичлар ва паст температурада ишлайдиган бошқа иншоотлар, махсус газ сақлайдиган идишлар (газгольдерлар) конструкцияси чу нашё танланганда ҳисобга олиниши керак.
Деворбоп ашё маълум ўтказувчанликка эга бўлиши керак, яъни девор «нафас олиши» керак. Айниқса чу нашё, касалхоналар ва шунга ухшаш биноларда табиий ҳаво алмашинуви бўлиши керак.
Намликни ашё хоссаларига таъсири. Намлик деформациялари. Ғовак ашёлар (бетон, ёғоч ва ҳ.к.) намлик ўзгарганда ўз ҳажми ва ўлчамларида ўзгаради.
Нам ашё қуриганда ўлчамлари ва ҳажми кичраяди, чу на ашёнинг кичрайиши деб аталади. Ашё сувга туйинганда, аксинча, кенгаяди. Аксарият қурилиш ашёлари ишлатиш жараёнида бир неча марта намланиб қурийди, натижада уларда кетма-кет кичрайиш ва кенгайиш деформациялари бўлади. Бундай деформациялар таъсирида ёриқлар пайдо бўлиб, ашё емирила бошлайди.