Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллий

 
 
Гипофизда 
гонадотропинлар
икки хил даражада секрецияланади. 
Биринчиси гонодропинлар паст даражада доимий равишда ишлаб 
чиқарилади. Циклик равишда ўтадиган иккинчиси овариал-менструал 
циклнинг муайн босқичида юзага чиқади ва даражаси биринчисидан кўра 
юқорироқ бўлади. Хайз циклининг бошида фолликулларни стимулловчи 
гормон кўпайиб, 6-9-кунлари энг юқори даражага етади. Кейинчароқ бу 
гормон секрецияси секин-аста пасайиб кетади ва лютеинловчи гормон 

---

74 
секрецияси кучая бошлайди. Лютеинловчи гормон секрецияси энг юқори 
даражага чиқиши овуляцияга олиб келади. 
Гонадотропинлар ва жинсий гормонлар секрециялари орасида қайтар 
алоқа мавжуд. Эстрогенлар кам миқдорда бўлганида фолликулларни 
стимуловчи гормоннинг ҳосил бўлиши тезлашади, аммо эстрогенлар 
миқдори кўпайиши билан бу жараѐн секинлашади. Прогестероннинг кичик 
миқдори лютеинловчи гормон секрециясини кучайтирса, катта миқдори уни 
камайтиради. Демак, ҳайз цикли ўз-ўзини идора этиб борувчи қўшалоқ 
тизим: гипоталамус-гипофиз-тухумдон тизими идора қилади. 
 
Тўқима гормонлари 
Ҳозирги пайтда тўқима ва аъзоларда 50 хилга яқин гормонни синтезлаш 
қобилиятига эга бўлган ҳужайралар топилган. Бу ҳужайраларнинг кўп қисми 
хазм тизими аъзоларида, ўпка, буйрак, юрак ва бошқа эндокрин тизимига 
кирмайдиган аъзоларда учрайди. Гормон синтезловчи ҳужайраларни махсус 
иммуногистокимѐвий усуллар ѐрдамида аниқланади.
 
Бу ҳужайралар биоген аминларнинг ўтмишдошларини карбок-
силсизлантириш ва уларнинг қолдиғидан пептид гормонларини синтезлаш 
қобилиятига эга. Бу ҳужайралар 
АПУД-тизимни
ташкил қилади. 
Апудоцитлар синтезлайдиган гормонлар жуда кўп. Улар серотонин, 
секретин, мотилин ва бошқа моддаларни ишлаб чиқаради. 
Демак, гормонлар фақат махсус эндокрин безлардагина эмас, балки аъзо 
ва тўқималарда синтезланиши мумкин. Бу борада хазм тизимининг фаоллиги 
юқори, ундан апудоцитлар 20 тур гормон ишлаб чиқаради. Бу гормонлар энг 
аввало хазм аъзолари фаолиятини бошқаришда муҳим роль ўйнайди. Бундан 
ташқари, хазм тизими гормонлари умумий модда алмашинувини назорат 
қилишда иштирок қилади. Бу гормонларнинг аҳамияти ниҳоятда катта. Улар 
асосан ингичка ичак шиллиқ пардасидаги ҳужайраларда синтезланади, шу 
туфайли уларни энтерин тизими гормонлари гуруҳига бирлаштирилади. 
Уларни яна гастроинтестинал гормонлар, деб айтилади. 
Ишнинг мақсади:
Одам ва ҳайвонларни асосий ички секреция безларининг анатомияси ва 
гистологик тузилиши тўғрисида маълумотга эга бўлиш ва улардан 
айримларини жарроҳлик усули билан ажратиб олишни ўрганиш. 
Ишнинг режаси:
1. қалқонсимон без; 2. қалқонсимон олди безлари; 3. Меъда ости бези; 4. 
Буйрак усти безлари; 5. Гипофиз; 6. Эпифиз; 7. Эркак ва аѐлларнинг жинсий 
безлари.